کراچی ، سنگین جرائم میں ملوث سیاسی پارٹی کا کارکن گرفتار ،غیر ملکی اسلحہ برآمد کر لیا گیا

ضلع سینٹرل، خواجہ اجمیر نگری سے سنگین جرائم میں ملوث ملزم گرفتار کر لیے ۔گرفتار ملزم پشتون تحفظ موومینٹ کا سرگرم کارکن بھی ہے۔پولیس نے انٹیلیجنس اطلاعات پر کارروائی کی۔گرفتار ملزم کے قبضے سے روسی ساختہ دستی بم اور اسمارٹ فون برآمد کر لیے گئے پولیس نے ملزم کے زیر استعمال مسروقہ موٹرسائیکل بھی تحویل میں لے لی۔

ملزم نے دوران انٹیروگیشن متعدد مشکوک سرگرمیوں اور چھینا جھپٹی کی وارداتوں کا انکشاف کیا۔گرفتار ملزم سے برآمد اسمارٹ فون کو فارنزک کیلئے بھیجا جائیگا۔گرفتار ملزم عبدالرحمن پیشہ ور مجرم ہے اور دھماکہ خیز مواد رکھنے سمیت دیگر جرائم میں جیل جا چکا ہے۔

ملزم کیخلاف درج مقدمات کی مزید تفصیلات حاصل کی جا رہی ہیں۔ملزم کیخلاف دہشتگردی سمیت دیگر دفعات کے تحت مقدمہ درج کر لیا گیا۔
گرفتار ملزم کو تفتیشی حکام کے حوالے کر دیا گیا۔