کراچی: فلاحی ادارے الخدمت کے آر او پلانٹ میں چوری کی واردات ہوئی ہے، چور پلانٹ کی مشینری لے اڑے۔تفصیلات کے مطابق کراچی میں لٹیروں نے فلاحی ادارے کو بھی نہ بخشا، لیاری، بہار کالونی میں الخدمت کے تحت لگائے گئے آر او پلانٹ میں بھی چوری کی واردات ہو گئی۔
پلانٹ انتظامیہ کے مطابق چور آر او پلانٹ کی مشینری چوری کر کے لے گئے ہیں، چوروں نے رات گئے تالے کاٹے اور الخدمت کے دفتر میں واردات کی۔
اسلام آباد پولیس کی پھرتیاں:24 گھنٹوں میں درجنوں مجرم پیشہ افراد گرفتار
دفتر کے عملے کا کہنا تھا کہ چور واٹر پلانٹ کی مشینری اور امدادی سامان بھی ساتھ لے گئے، علاقہ مکینوں نے اس واردات کو افسوس ناک قرار دیا اور کہا کہ سندھ پولیس کی کارکردگی مایوس کن ہے، لیاری کے عوام کے لیے لگائے گئے پلانٹ کا چوری ہونا پولیس کی نا اہلی ہے۔
پولیس حکام کا کہنا ہے کہ واردات کا مقدمہ درج کر لیا گیا ہے، چوروں کی گرفتاری کی کوشش جاری ہے، لگتا ہے کوئی نشے کا عادی شخص پانی کی موٹر اور دیگر اشیا لے کر گیا ہے۔
کابینہ حب کو ضلع بنانے سے متعلق نوٹیفکیشن واپس لے سکتی ہے:جام کمال
ادھر عدالت نے نالےمیں گرکرخاتون اوربچے کی ہلاکت کے معاملے میں کےایم سی اوردیگرسے جواب طلب کرلیا۔تفصیلات کے مطابق سٹی کورٹ میں جوڈیشل مجسٹریٹ وسطی کراچی کی عدالت میں بارش کے دوران شادمان نالے میں گرکرخاتون اور بچے کی ہلاکت سے متعلق کیس کی سماعت ہوئی۔
متاثرہ شہری محمد دانش نے کے ایم سی کے خلاف ساڑھے 11 کروڑ روپے ہرجانے کا دعوی کیا جس پرعدالت نے کے ایم سی اور دیگر کو نوٹس جاری کرتے ہوئے حکام سے 24 اکتوبر تک جواب طلب کر لیا۔
مولانا فضل الرحمن نےوفاداریاں بدلنےکےڈرسے وفاداروں سے حلف لینے کا فیصلہ کرلیا
کے ایم سی کے خلاف دو الگ الگ دعووں کی سماعت کے دوران ایڈووکیٹ عثمان فاروق نے دلائل دیے کہ سترہ جولائی کو کے ایم سی کی غفلت سے اہلیہ ثمن اور تین کاہ کا بیٹا اذلان جاں بحق ہوا۔ کے ایم سی بروقت حفاظتی اقدامات کرتی تو حادثہ نہ ہوتا۔
ایڈووکیٹ عثمان فاروق نے مؤقف پیش کیا کہ کے ایم سی اور ڈی ایم سی ہلاکتوں کے براہ راست ذمہ دار ہیں۔ متعدد شکایات کے باوجود انتظامیہ نے کھلے نالے پر توجہ نہیں دی۔درخواست گزار نے عدالت سے استدعا کی کہ کے ایم سی اور ڈی ایم سی کو ہرجانہ ادا کرنے کا حکم دیا جائے۔
