کراچی پولیس ان ایکشن،ایک ہفتے میں 1000 سے زائد ملزمان گرفتار،اسلحہ،منشیات برآمد

کراچی پولیس ان ایکشن،ایک ہفتے میں 1000 سے زائد ملزمان گرفتار

باغی ٹی وی کی رپورٹ کے مطابق ایڈیشنل آئی جی کراچی کی خصوصی ہدایت پر شہر میں جرائم کی روک تھام کیلئے اسٹریٹ کرمنلز منشیات فروشوں اور مفرور ملزمان کیخلاف کامیاب کارروائیاں کی گئیں

کراچی پولیس نے گزشتہ ہفتے کراچی کے ایسٹ، ویسٹ اور ساوتھ ذون میں چھاپوں کے دوران مجموعی طور پر 1000 سے زائد ملزمان کو گرفتار کیا۔ پولیس نے گرفتار ملزمان کے قبضے سے لاکھوں روپے مالیت کی 90 کلو سے زائد اعلی کوالٹی کی چرس، تین کلو سے زائد آئس اور 243 گرام ہیروئن برآمد کی۔

گرفتار اسٹریٹ کرمنلز سے شہریوں سے لوٹ مار اور دیگر وارداتوں میں استعمال شدہ 143 سے زائد مختلف اقسام کا غیر قانونی اسلحہ بمعہ ایمونیشن، 05 دستی بم، 06 آوان بم، آوان بم لانچر اور تین کلو سے زائد بارودی مواد برآمد کیا گیا۔ اینٹی وہیکل لفٹنگ سیل کراچی نے شہر کے مختلف علاقوں سے 16 کار/موٹرسائیکل لفٹرز کو گرفتار کر کے غیر قانونی اسلحہ سمیت چوری و چھینی گئی 12 موٹرسائیکلیں اور 04 گاڑیاں تحویل میں لے لیں۔

کراچی پولیس کیجانب سے جرائم کے خاتمے، امن وامان کی بحالی اور عوام کے تحفظ کیلئے کئے جانے والے اقدامات جاری رہینگے