کرک:فائرنگ سے دو افراد جاں بحق جبکہ ایک ذخمی ہو گیا

خیبر پختونخوا کے ضلع کرک کے علاقے صابرآباد میں نامعلوم افراد کی فائرنگ سے 2 افرادجاں بحق جبکہ ایک زخمی ہوگیا، پولیس کے مطابق واقعہ ذاتی دشمنی کا شاخسانہ ہے۔ کرک کے علاقے صابرآباد میں نامعلوم افراد نے فائرنگ کرکے دو افراد کو قتل کردیا، جب کہ فائرنگ کی زد میں آکر ایک شخص زخمی بھی ہوا۔واقعے کی اطلاع ملتے ہی پولیس اور ریسکیو کی ٹیمیں وقوعہ پر پہنچ گئیں اور لاشوں اور زخمی شخص کو اسپتال منتقل کردیا۔پولیس حکام کا کہنا ہے کہ فائرنگ کا واقعہ تھانہ صابر آباد کے علاقے میں پیش آیا، اور سابقہ عداوت پر پیش آیا، پولیس نے شواہد جمع کرکے ملزمان کی گرفتاریوں کیلیے سرچ شروع کردیا ہے۔