کراچی میں دھماکہ،واقعے کی ابتدائی رپورٹ جاری
باغی ٹی وی کی رپورٹ کے مطابق کراچی کے علاقہ پاپوش نگر میں نجی بینک دھماکہ،واقعے کی ابتدائی رپورٹ جاری کر دی گئی
بم ڈسپوزل اسکواڈ نے دھماکے سے متعلق رپورٹ جاری کردی ،دھماکہ واٹر ٹینک میں گیس بھرجانے کے باعث ہوا، دھماکے سے واٹر ٹینک کا ڈھکن اڑ گیا ،دھماکے کے باعث بینک کی اندرونی دیواریں گرگئیں،بینک کے ایک حصے کو دھماکے میں نقصان پہنچا، تعطیل کے باعث بینک میں عملہ موجود نہ تھا،
دھماکے کی اطلاع پر شہری بھی بڑی تعداد میں جائے وقوعہ پر پہنچ گئے تھے، پولیس نے شہریوں کو دور ہی روک دیا ہے، کسی کو قریب آنے کی اجازت نہیں دی جا رہی.
ایس ایس پی سنٹرل غلام مرتضیٰ کا کہنا ہے کہ دھماکہ بینک کے اندر کی جانب سے ہوا ہے، واقعے میں کوئی زخمی نہیں ہوا،بینک مینجر کو طلب کرلیا ہے
پاپوش نگر میں نجی بینک میں دھماکہ ہوا ہے، دھماکے سے عمارت کے شیشے ٹوٹ گئے پولیس اور رینجرزدھماکے کی جگہ پہنچ گئے ،بینک میں دھماکے سے شٹرکونقصان پہنچا، دھماکے میں کسی جانی نقصان کی اطلاع نہیں ہے.
