بلوچ طلبا تنظیم سٹوڈنٹس آرگنائزیشن کی سابق چیئرپرسن کریمہ بلوچ کی لاش برآمد،کب سے تھی لاپتہ؟

باغی ٹی وی کی رپورٹ کے مطابق بلوچ طلبا تنظیم سٹوڈنٹس آرگنائزیشن کی سابق چیئرپرسن کریمہ بلوچ کی لاش کینیڈا کے شہر ٹورنٹو سے برآمد ہوئی ہے۔

خبر رساں ادارے کے مطابق ٹورنٹو میں مقیم صحافی صبا اعتزاز نے بی بی سی کو بتایا کہ ٹورنٹو پولیس نے کریمہ بلوچ کے اہلخانہ اور ان کے ساتھ مقیم دوستوں کو ان کی ہلاکت کی تصدیق کرتے ہوئے بتایا ہے کہ ان کی لاش پولیس کی تحویل میں ہے جسے پوسٹ مارٹم کے بعد ورثا کے حوالے کیا جائے گا۔

MISSING:
Karima Mehrab, 37
– last seen on Dec 20, in the Bay St + Queens Quay W area
– 5'3", 115 lbs., black long hair, brown eyes
– wearing black jeans, grey hooded Roots sweatshirt, black Canada Goose winter jacket, black Doc Martin boots#GO2394980
^ep2 pic.twitter.com/i78dK2TLbR

— Toronto Police Operations (@TPSOperations) December 21, 2020

ٹورنٹو پولیس نے گزشتہ روز سماجی رابطے کی ویب سائٹ ٹویٹر پر کریمہ کے لاپتہ ہونے پر تصویر بھی جاری کی تھی اور ساتھ لکھا تھا کہ کریمہ کی عمر 37 برس ہے، اور وہ 20 دسمبر سے لاپتہ تھی،

تاحال کریمہ بلوچ کی ہلاکت کی وجوہات سامنے نہیں آ سکیں۔ دوسری جانب کریمہ بلوچ کی ہلاکت کی تصدیق کے بعد سے سوشل میڈیا صارفین کی جانب سے ان کی ہلاکت کی تحقیقات مطالبہ زور پکڑ رہا ہے