کرونا وائرس، چین میں ہلاکتوں میں اضافہ ،کتنے پاکستانی چین میں ہیں ؟ ترجمان دفتر خارجہ نے بتا دیا
باغی ٹی وی کی رپورٹ کے مطابق کورونا وائرس ،دفتر خارجہ نے چین میں مقیم پاکستانی طلبا اورتاجر وں کے اعدادو شمار جاری کردیئے،
ترجمان دفتر خارجہ عائشہ فاروقی کا کہنا ہے کہ چین میں 28 ہزار پاکستانی طلبہ زیرتعلیم ہیں،چین میں 800پاکستانی تاجر آباد ہیں،پاکستان میں 1500چینی تاجر آتے جاتے ہیں ووہان میں 500 کے قریب پاکستانی طلبا رہائش پذیرہیں،طلبا خود یا اسکالرشپ پر چین جاتے ہیںطلبا ہمیشہ سفارت خانے میں رجسٹر نہیں ہوتے ہیں،تاجر اور دیگر افراد بھی ہمیشہ سفارتخانے میں رجسٹر نہیں ہوتے ہیں،
وضح رہے کہ خطرناک کرونا وائرس سے چین میں ہلاکتوں کی تعداد 41 ہوگئی، متاثرہ علاقے میں چین نے 450 ملٹری جوانوں پر مشتمل میڈیکل سٹاف بھجوا دیئے۔ چین نے پراسرار وائرس پر قابو پانے کے لیے وہان سمیت 12 قریبی شہروں میں ٹرانسپورٹ اور عوامی مقامات کو بند کر دیا ہے، 4 کروڑ 10 لاکھ افراد کو 14 دنوں کے لیے اپنے گھروں میں رہنے کی تلقین کی گئی ہے۔ شہریوں کو جھیلوں، دریاؤں اور نہروں پر جانے سے روک دیا گیا ہے۔
امریکی حکام کے مطابق مشتبہ وائرس سے متعلق 50 مریضوں کے ٹیسٹ کئے جا رہے ہیں۔ برطانیہ میں کرونا وائرس کے شبے میں 14 مریضوں کو کلیئر قرار دے دیا ہے۔
