سیالکوٹ (باغی ٹی وی بیوروچیف، شاہد ریاض) ڈی پی او سیالکوٹ نے تھانہ ہیڈ مرالہ کے ایس ایچ او کاشف بٹ کو تبدیل کرکے تھانہ کوتوالی میں بطور ایس ایچ او تعینات کر دیا ہے۔ کاشف بٹ نے اپنے نئے عہدے کا چارج سنبھال لیا ہے۔ کاشف بٹ اپنی بہترین کارکردگی، محنت، اور لگن کے لیے مشہور ہیں۔ انہوں نے تھانہ ہیڈ مرالہ میں عوام کے مسائل کو حل کرنے اور جرائم کی روک تھام کے لیے موثر اقدامات کیے۔
کاشف بٹ کے بارے میں کہا جاتا ہے کہ وہ اپنے فرائض بڑی دیانت داری اور خلوص سے انجام دیتے ہیں۔ ان کی تعیناتی کو تھانہ کوتوالی میں جرائم کے خلاف مزید مؤثر اقدامات کی امید کے طور پر دیکھا جا رہا ہے۔ علاقے کے لوگوں نے ان کے عزم اور خلوص کو سراہتے ہوئے دعا کی ہے کہ اللہ انہیں مزید کامیابیاں عطا کرے اور اپنے فرائض کو خوش اسلوبی سے انجام دینے کی توفیق دے۔
