کندھ کوٹ،باغی ٹی وی (نامہ نگارمختیاراعوان )ڈسٹرکٹ اینڈ سیشن جج زاہد حسین میتلو کا صحت کا جائزہ لینے کے لیے کشمور تعلقہ ہسپتال اور جوڈیشل لاک اپ کشمور کا اچانک دورہ عملے کی عدم موجودگی اور صفائی نہ ہونے پر برہمی کا اظہار۔
ڈسٹرکٹ اینڈ سیشن جج نے تعلقہ ہسپتال کشمور کا اچانک دورہ کیا اور محکمہ صحت کے ڈاکٹروں کی عدم موجودگی اور ہسپتال میں صفائی نہ ہونے پر برہمی کا اظہار کیا صحت ہر عام آدمی کی بنیادی ضرورت ہے اور اس میں کسی قسم کی کوتاہی برداشت نہیں کی جائے گی۔
انہوں نے محکمہ صحت کے افسران کو ہدایت جاری کی کہ ہسپتال کے اندرصحت کے حوالے سےتمام ضروریات کو پورا کیا جائے اور صفائی کا بھی خاص خیال رکھا جائے
ڈسٹرکٹ اینڈ سیشن جج نے جوڈیشل لاک اپ کشمور کا بھی اچانک دورہ کیا اور عملے کی موجودگی کا جائزہ لیا۔اس موقع پر ان کا کہنا تھا کہ کہ قیدیوں کو صاف اور میٹھے پانی اور معیاری خوراک کی فراہمی کو یقینی بنایا جائے اور جوڈیشل لاک اپ میں صفائی کا خاص خیال رکھا جائے۔
