قصور:خادمین حج کے ویزوں جھانسہ،شہریوں سے کروڑوں روپے لوٹنے والا فراڈیا گرفتار

قصور ،باغی ٹی وی (نامہ نگار طارق نوید سندھو) خادمین حج کے ویزوں کاجھانسہ،شہریوں سے کروڑوں روپے لوٹنے والا فراڈیا گرفتار
قصور شہر میں( امیر اینڈ سنز ) کے نام سے طیب شاہ اور ناصر حسین نے خادمین حج کے ویزوں کا جھانسہ دے کر متعدد شہریوں سے کروڑوں روپے ہتھیانے والے مرکزی ملزم طیب شاہ کو ایف ائی اے نے گرفتار کر لیا ،طیب شاہ اور ناصر حسین کو ایف ائی اے نےٹھوکر نیاز بیگ لاہورسے گرفتار کیاگیا۔
تفصیلات کے مطابق فراڈیہ گروپ نے حج کے ایام سے کچھ عرصہ قبل شہر بھر میں ویزوں کے حصول کے بینرز لگائے تھے اور سینکڑوں کی تعداد میں لوگوں نے پاسپورٹ اور پیسے جمع کروا دیے تھے مگر یہ دھوکے باز راتوں رات پاسپورٹ سڑک پر پھینک کر 10 کروڑ سے زائد کی رقم لے گئے۔

متاثرین کی شکایات پر کارروائی کرتے ہوئے ایف آئی اے نے ملزمان کو گرفتار کر کے متاثرین سے رابطے شروع کر دیے ہیں۔ متاثرین کے مطابق انہیں عمر بھر کی جمع کی گئی رقم سے ہاتھ دھونا پڑا ان کا یہ بھی کہنا تھا کہ ہمارے پاس ایک وقت کی روٹی کے لیے بھی پیسے نہیں مگر ہم نے اپنے بچوں کے بہتر مستقبل کے لیے یہ قدم اٹھایا تھا۔

اب ایف آئی اے کے اس ایکشن سے متاثرین کی حوصلہ افزائی ہوئی ہے۔ اب ان کو امید ہےکہ ان کی لوٹی گئی رقم واپس مل جائے گی