قصور:کھڈیاں خاص فلڈریلیف کیمپ،دن کو خالی، رات میں نشئیوں کا آڈیٹوریم بن گئے

قصور(باغی ٹی وی بیوروچیفغنی محمود)کھڈیاں خاص فلڈریلیف کیمپ،دن کو خالی، رات میں نشئیوں کا آڈیٹوریم بن گئے

تفصیلات کے مطابق وزیر اعلیٰ پنجاب کی ہدایت پر مون سون کے موسم میں سیلاب سے متاثرہ افراد کی مدد کے لیے کھڈیاں خاص میں قائم کیا گیا ایمرجنسی ریلیف کیمپ بے کار پڑا ہے۔ مین روڈ پر واقع یہ کیمپ نہ تو امدادی سامان سے لیس ہے اور نہ ہی اس میں کوئی عملہ موجود ہے۔

دن کے وقت یہ کیمپ خالی پڑا رہتا ہے اور رات کے وقت نشے کے عادی افراد اور میونسپل عملہ اسے اپنا ٹھکانہ بنا لیتے ہیں۔

مقامی لوگوں کا کہنا ہے کہ اگر حکومت نے یہ کیمپ بنایا ہے تو اسے فعال کرنا چاہیے اور لوگوں کو اس کے بارے میں آگاہ کرنا چاہیے۔ ان کا کہنا ہے کہ اس طرح کے کیمپوں کا مقصد سیلاب زدگان کی مدد کرنا ہوتا ہے، لیکن یہ کیمپ تو اپنی حالت زار پر رونا رو رہا ہے۔