ڈاکٹرغلام مصطفی بڈانی
قصور ،باغی ٹی وی(بیورورپورٹ) گھریلو تنازعہ،ظالم شوہر نے بیوی کو گولی مار کر قتل کردیا
تفصیل کے مطابق قصور کے نواحی گاؤں موضع سعد حدود تھانہ تھہ شیخم میں ایک دل دہلا دینے والا واقعہ پیش آیا ہے جہاں گھریلو تنازعہ کے دوران ایک شخص نے اپنی بیوی کو قتل کر دیا ہے۔
ملزم کی شناخت دلاور حسین کے نام سے ہوئی ہے۔ بتایا جاتا ہے کہ دونوں میاں بیوی میں کسی معمولی سی بات پر جھگڑا ہو گیا تھا۔ لیکن ملزم نے اپنی بیوی شازیہ بی بی کی معافی کے باوجود اسے معاف نہ کیا اور اس پر فائرنگ کر دی۔ اس واقعے میں شازیہ بی بی موقع پر ہی جاں بحق ہو گئی۔
مقامی لوگوں اور مقتولہ کے ورثاء نے ملزم کو جلد از جلد قانون کے کٹہرے میں لانے کا مطالبہ کیا ہے۔ پولیس تھانہ تھہ شیخم نے واقعے کی اطلاع پر فوری طور پر کارروائی شروع کر دی ہے اور ملزم کی گرفتاری کے لیے چھاپے مارے جا رہے ہیں۔
