قصور (ڈسٹرکٹ رپورٹرطارق نوید سندھو) قصور میں پاک چائنہ دوستی کے حوالے سے خصوصی تقریب کا انعقاد کیا گیا جس میں چینی قونصل جنرل، سپیکر پنجاب اسمبلی اور مسلم لیگ (ن) کے رہنماؤں نے شرکت کی۔
وفاقی وزیر ملک رشید احمد خان نے تقریب سے خطاب کرتے ہوئے کہا کہ:ضلع کے لیے اعزاز ہے کہ آج چین کے معزز مہمان ہمارے ساتھ ہیں۔چین نے ہر مشکل وقت میں پاکستان کا ساتھ دیا ہے۔جنگی حالات سمیت ہر آزمائش میں چین پاکستان کے شانہ بشانہ کھڑا رہا۔70 سالہ دوستی ہر گزرتے دن کے ساتھ مزید مضبوط ہو رہی ہے۔گوادر تک سڑکوں کی تعمیر اور سی پیک منصوبے اس دوستی کو لازوال بنارہے ہیں۔
انہوں نے کہا کہ پاک چائنہ دوستی "بے مثال، ہمالیہ سے اونچی، شہد سے میٹھی اور سمندر سے گہری” ہے، اور دونوں ممالک ترقی، امن اور خوشحالی کے سفر میں ساتھ ساتھ رہیں گے۔
تقریب میں شرکاء نے پاک–چائنہ تعلقات کو خطے کے استحکام اور ترقی کے لیے اہم قرار دیا اور دو طرفہ تعاون بڑھانے کے عزم کا اظہار کیا۔
