قصور (باغی ٹی وی،ڈسٹرکٹ رپورٹرطارق نوید سندھو سے) سپیکر پنجاب اسمبلی ملک محمد احمد خان نے اپنے حلقے کا دورہ کیا اور حاجی سردار احمد دین ڈوگر کے ڈیرے پر پہنچ کر عوامی مسائل سنے۔ اس موقع پر انہوں نے فوری طور پر متعلقہ محکموں کو عوامی مسائل کے حل کے لیے ہدایات جاری کیں۔ حلقے کے لوگوں نے ان کی خدمات کو سراہتے ہوئے ان کا شکریہ ادا کیا اور آئندہ بھی ان کے ساتھ بھرپور تعاون کا یقین دلایا۔
دورے کے دوران ملک محمد احمد خان نے ملک مشتاق کی رہائش گاہ پر جا کر ان کے بھائی ملک عالم مرحوم کے انتقال پر تعزیت کی اور مرحوم کے ایصالِ ثواب کے لیے فاتحہ خوانی کی۔
بعد ازاں انہوں نے حاجی محمد حسن کے صاحبزادے کے ولیمہ کی تقریب میں شرکت کی اور ایم این اے ملک رشید احمد خان کے ہمراہ دولہا اور دلہن کو مبارکباد دی۔
