قصور ،باغی ٹی وی(ڈسٹرکٹ رپورٹرطارق نوید سندھو کی رپورٹ)مزاحمت پر شہری قتل، ڈاکونقدی رقم اورموبائل لیکر فرار
تھانہ صدر قصور کی حدود پل جوڑا نہر پر دوران ڈکیتی مزاحمت پر ڈاکوؤں نے فائرنگ کرکے ایک شخص کوقتل کردیا جبکہ ڈاکو موقع سے فرار ہوگئے۔
ڈی پی او قصور نے ملزموں کی گرفتاری کیلئے سپیشل ٹیمیں تشکیل دے دیں ہیں، تارا گڑھ کا رہائشی حافظ لیاقت اپنے ساتھی کے ساتھ موٹر سائیکل پر گھرجارہے تھے کہ جوڑا نہر کے قریب ڈاکوؤں نے انہیں روک لیا
حافظ لیاقت سے28000 روپے چھین لیے اورساتھی سے آٹھ ہزار روپے اور موبائل فون بھی چھین لیے،مزاحمت پر ڈاکوؤں نے ان پر اندھا دھند فائرنگ کر دی جس کی زد میں آ کر حافظ لیاقت موقع پرجاں بحق ہوگیا.
