قصور،ٹریفک پولیس کی غفلت، شہر میں من مانی رکشہ اسٹینڈز کا سیلاب ، شہری شدید اذیت میں مبتلا ہو گئے
تفصیلات کے مطابق قصور میں ڈی ایس پی ٹریفک کی مسلسل عدم توجہی اور ناقابلِ فہم غفلت کے باعث شہر کے اہم چوک ڈی ایچ کیو ہسپتال چوک، ماڈل بازار چوک، نور محل چوک سمیت متعدد مقامات باقاعدہ غیر اعلانیہ رکشہ اسٹینڈز میں تبدیل ہو چکے ہیں،رکشہ ڈرائیوروں کی من مانی عروج پر ہیں جس کے نتیجے میں جگہ جگہ ٹریفک جام معمول بن گیا ہے، شہریوں کا کہنا ہے کہ گھنٹوں سڑکوں پر پھنسا رہنا ان کی روزمرہ زندگی اجیرن کر چکا ہے،اہم بات یہ ہے کہ مسئلے کی نشاندہی ڈی ایس پی ٹریفک کو کئی بار کی جا چکی ہے مگر اس کے باوجود عملی اقدامات نہ ہونے کے برابر ہیں،مسجد نور چوک میں بھی ہر وقت ٹریفک جام رہتی ہے،شہری سوال اٹھا رہے ہیں کہ آخر ٹریفک پولیس کب جاگے گی؟
