قازقستان کے نائب وزیراعظم و وزیر خارجہ مراد نرتلیو دو روزہ سرکاری دورے پر 8 سے 9 ستمبر تک پاکستان آئیں گے۔
دفتر خارجہ کے اعلامیے میں بتایا گیا کہ نائب وزیراعظم کے ہمراہ 13 رکنی اعلیٰ سطحی وفد بھی آئے گا، جس میں قازقستان کے وزیر ٹرانسپورٹ بھی شامل ہیں۔ دورے کے دوران زرعی شعبے اور آئی ٹی کے مشترکہ ورکنگ گروپوں کے اجلاس بھی ہوں گے۔اپنے قیام کے دوران مراد نرتلیو اپنے پاکستانی ہم منصب سینیٹر محمد اسحٰق ڈار سے ملاقات کریں گے، جس کے بعد وفود کی سطح پر مذاکرات ہوں گے۔ وہ پاکستان کے صدر اور وزیراعظم سے بھی ملاقات کریں گے۔
ان مذاکرات میں آئندہ صدارتی دورے کی تیاریوں کے ساتھ ساتھ پاک–قازق تعاون کے تمام پہلوؤں پر تبادلہ خیال کیا جائے گا، جن میں تجارت و سرمایہ کاری، زراعت، تعلیم، ثقافت، سیاحت، علاقائی روابط، لاجسٹکس اور کثیرالجہتی اداروں میں تعاون شامل ہے۔دفتر خارجہ کا کہنا ہے کہ یہ دورہ دونوں ممالک کے دیرینہ تعلقات کو مزید مستحکم کرے گا اور عوامی فلاح کے لیے مختلف شعبوں میں دوطرفہ روابط کو گہرا کرنے میں مددگار ثابت ہوگا۔
علی امین گنڈاپور کا پشاور میں بڑا جلسہ کرنے کا اعلان
کے پی کے،میٹرک امتحانات میں ناقص کارکردگی پر 15 پرنسپل معطل
غزہ پر اسرائیلی حملے، اسکول اور خیمے نشانہ، 21 فلسطینی شہید
