جاوید لطیف کے قابل اعتراض بیان پر اہم شخصیت کا رد عمل

شیخوپورہ (نمائندہ باغی ٹی وی) رکن پارلیمنٹ میاں جاوید لطیف کے ملک دشمن بیانیے کے خلاف بروز اتوار چار بجے سہ پہر پریس کلب شیخوپورہ کے سامنے بھر پور احتجاج کیا جائے گا
صوبائی وزیر برائے قدرتی آفات میاں خالد محمود کا کہنا تھا کہ ایم این اے میاں جاوید لطیف کے پاکستان مخالف بیان پر بھرپور احتجاج کے لئے ہم اتوار سہ پہر چار بجے پریس کلب کے سامنے جمع ہوں گے
انہوں نے تمام محب وطن پاکستانیوں سے اپیل کی کہ وطن سے محبت کا والہانہ ثبوت دیتے ہوئے اپنی شرکت کو یقینی بنائیں

یاد رہے کہ شیخوپورہ سے ایم این اے میاں جاوید لطیف نے نجی ٹی وی چینل کو انٹرویو دیتے ہوئے کہا تھا کہ اگر مریم نواز کو کچھ ہوا تو ہم پاکستان کھپے کا نعرہ نہیں لگائیں گے
بلکہ یہاں مشرقی پاکستان کی تاریخ دہرائی جائے گی