معروف فوڈ چین ”کے ایف سی“ ملائیشیا میں اپنے آؤٹ لیٹس بند کرنے پر مجبور ہوگئی ہے۔

باغی ٹی وی : کے ایف سی نے ملائیشیا میں اپنے آؤٹ لیٹس کی بندش کی وجہ مشکل معاشی حالات کو قرار دیا ہے تاہم ملائیشیا کے مقامی میڈیا کی رپورٹ کے مطابق اس بندش کی وجہ فاسٹ فوڈ چین کے اسرائیل سے روابط کی وجہ سے کیا جانے والا بائیکاٹ ہے۔

کیو ایس آر برانڈز (ایم) ہولڈنگز بی ایچ ڈی نامی کمپنی جو ملائیشیا میں کے ایف سی اور پیزا ہٹ فرنچائزز چلاتی ہے، اس نے اپنے ایک بیان میں کہا کہ اس نے عارضی طور پر کے ایف سی آؤٹ لیٹس کو مشکل معاشی حالات کی وجہ سے بند کر دیا ہے،اس کے کتنے اسٹورز متاثر ہوئے ہیں، لیکن مقامی میڈیا نے اطلاع دی ہے کہ 100 سے زیادہ آؤٹ لیٹس عارضی طور پر بند کردیے گئے ہیں، متاثرہ اسٹورز کے ملازمین کو ان علاقوں میں آؤٹ لیٹس پر منتقل ہونے کا موقع فراہم کیا گیا جہاں سیلز زیادہ ہے۔

آئی ایم ایف کی جانب سے اسٹیٹ بینک کو 1.1 ارب ڈالرز موصول

واضح رہے کہ ملائیشیا کی 63.5 فیصد آبادی مسلمان ہے اور یہ ملک فلسطینیوں کا سخت حامی ہے،غزہ میں اسرائیل کی جانب سے جاری نسل کشی کے سبب دنیا بھر میں مسلمانوں کی ایک بڑی تعداد ان مغربی برانڈز کا بائیکاٹ کررہی ہے جن کے اسرائیل سے روابط ہیں یا وہ اس کی حمایت کرتے ہیں۔

آئی سی سی ٹی20 ورلڈ کپ :انگلینڈ اور جنوبی افریقا نے اسکواڈز کا اعلان کر دیا