اوچ شریف ،باغی ٹی وی(نامہ نگارحبیب خان) حاصل پور روڈ پر الریاض ہوٹل کے قریب افسوسناک ٹریفک حادثہ پیش آیا، جس میں 35 سالہ شخص جاں بحق ہوگیا۔
تفصیلات کے مطابق پٹھہ رکشے پر تقریباً 50 من سرسوں کی بوریاں لدی ہوئی تھیں کہ اچانک ٹائر برسٹ ہونے سے رکشہ بے قابو ہو کر درخت سے جا ٹکرایا۔ حادثے میں رکشہ ڈرائیور کے ساتھ بیٹھے محمد اظہر ولد غلام سرور شدید زخمی ہوئے اور موقع پر ہی دم توڑ گئے۔ جاں بحق ہونے والے کا تعلق بستی دائم احمدپور اڈا خیرپور سے تھا۔
انتظامیہ نے ضروری قانونی کارروائی کے بعد لاش ورثا کے حوالے کر دی۔
