میرپورماتھیلو،باغی ٹی وی (نامہ نگارمشتاق علی لغاری)خیرپور میں غیرقانونی سیمینٹ فیکٹری پر چھاپہ، جعلی سیمینٹ اور سامان برآمد، فیکٹری سیل
تفصیل کے مطابق خیرپور میں ببرلو کے قریب مختیارکار خیرپور وقار سومرو کی سربراہی میں حساس اداروں اور محکمہ روینیو کی مشترکہ کارروائی میں نجی فیکٹری پر چھاپہ مارا گیا۔
چھاپے کے دوران بڑی مقدار میں جعلی سیمینٹ کی بوریاں اور سیمینٹ بنانے والا سامان برآمد کر لیا گیا۔ مختیارکار خیرپور نے بتایا کہ یہ جعلی اور غیرمعیاری سیمینٹ سندھ اور ملک کے مختلف علاقوں میں سپلائی کی جارہی تھی۔
خفیہ اطلاع پر کی جانے والی اس کارروائی کے نتیجے میں غیرقانونی فیکٹری کو سیل کر دیا گیا، جبکہ فیکٹری مالک چھاپے کے دوران فرار ہونے میں کامیاب ہوگیا۔ پولیس کی جانب سے اس کی تلاش جاری ہے۔
