وزیراعظم عمران خان سے ایران کے وزیر تجارت نے ملاقات کی ہے
باغی ٹی وی کی رپورٹ کے مطابق وزیراعظم عمران خان سے ایران کے وزیر برائے صنعت، کان کنی اور تجارت رضا رحمانی نے ملاقات کی ہے، وزیراعظم ہاوس میں ہونے والی ملاقات میں ایران کے نائب وزیر برائے زراعت یزدان سیف، رکن پارلیمنٹ رمضان علی سبحانی، چیئرمین آئی سی سی آئی ایم اے سستان و بلوچستان صوبہ عبداﷲ ریگی میر جاوا اور پاکستان میں ایران کے سفیر مہدی ہنر دوست بھی موجود تھے، اس موقع پر پاکستان کی جانب سے وزیر برائے بحری امور سید علی حیدر زیدی، مشیر تجارت عبدالرزاق داﺅد، چیئرمین سرمایہ کاری بورڈ زبیر گیلانی، سیکریٹری تجارت احمد نواز سکھیرا بھی ملاقات میں موجود تھے.
وزیراعظم عمران خان نے اس موقع پر گفتگو کرتے ہوئے کہا کہ ایران اور پاکستان دونوں ممالک کے مابین تجارتی اور اقتصادی رابطوں میں اضافہ کے کافی مواقع پائے جاتے ہیں، دونوں ممالک کے مابین عوامی سطح پر تبادلوں اور تجارت سمیت مختلف شعبہ جات میں پاک ایران تعلقات کو تقویت دینے کے حوالہ سے بات چیت کی گئی.
ایرانی وزیر رضا رحمانی کا وفاقی وزیر علی زیدی سے ملاقات کے طور پر کہنا تھا کہ ایران پاکستان متفقہ منصوبے دونوں ملکوں کی عوام کو فائدہ پہنچائیں گے، منصوبوں کے لئے ضروری انفراسٹرکچر کے لئے میری ٹائم منسٹری کا تعاون درکار ہے۔ سمندری راستے سے تجارت اور موجودہ رکاوٹوں کو ہٹانا ہوگا، دونوں ملکوں کے درمیان فیری سروس میں رکاوٹیں ہٹانے کے لئے تیار ہیں، پاکستانی مصنوعات ہماری پہلی ترجیح ہیں ،
