سابق صدارتی امیدوار رابرٹ ایف کینیڈی جونیئر کیساتھ تعلقات سامنے آنے پر خاتون رپورٹر کی منگنی ٹوٹ گئی-
باغی ٹی وی : امریکی میڈیا کے مطابق نیویارک میگزین کی سیاسی رپورٹر اولیویا نوزی کے منگیتر، پولیٹیکو کے ریان لزا نے تصدیق کی ہے کہ دونوں کی منگنی ختم ہو گئی ہے، ان کی جانب سے یہ اعلان اولیویا نوزی پر سابق صدارتی امیدوار رابرٹ ایف کینیڈی جونیئر کے ساتھ مبینہ تعلقات کا الزام سامنے آنے کے بعد کیا گیا ہے۔
50 سالہ ریان لزا نے اپنے بیان میں کہا کہ اپنی سابقہ منگیتر کے ساتھ تعلق کی وجہ سے وہ رابرٹ ایف کینیڈی جونیئر کی کوریج میں شامل نہیں ہوں گے۔
ساف انڈر 17 چیمپئن شپ:پاکستان نے نیپال کو شکست دے دی
واضح رہے کہ گزشتہ روز نیو یارک میگزین کی واشنگٹن میں نمائندہ اولیویا نوزی کو سابق آزاد صدارتی امیدوار رابرٹ ایف کینیڈی جونیئر کے ساتھ مبینہ رومانوی تعلقات سامنے آنے کے بعد چھٹی پر بھیج دیا گیا تھا،31 سالہ اولیویا نوزی اور ریان لزا کی منگنی اٹلی میں ستمبر 2022 میں ہوئی تھی اور دونوں کی تصاویر سوشل میڈیا پر موجود ہیں، دونوں 2018 سے ایک دوسرے کے ساتھ گھومتے پھرتے نظر آتے تھے-
