لاہور میں رشتے سے انکار پر خاتون سکول ٹیچر پر تیزاب پھینک دیا
![lahore](https://baaghitv.com/wp-content/uploads/2024/01/crime-jpg.webp)
لاہور: لاہور میں رشتے سے انکار پر خاتون سکول ٹیچر پر تیزاب پھینک دیا گیا جس پر متاثرہ خاتون کو ہسپتال منتقل کردیاگیا۔
باغی ٹی وی: تفصیلات کے مطابق کے مطابق لاہور کے علاقےشاہدرہ میں تیزاب گردی کا واقعہ پیش آیا ہے،پولیس کا کہنا ہے کہ ملزم متاثرہ ٹیچر سے شادی کرنا چاہتا تھا، انکار پر خاتون کے چہرے پر تیزاب پھینک دیا،تیزاب سے سکول ٹیچر کا چہرہ جھلس گیا،جس کو طبی امداد کیلئے ہسپتال منتقل کردیا گیا، ملزم کو سیالکوٹ ایئرپورٹ سے گرفتار کرلیاگیا،ملزم ملک سے فرار کی کوشش کررہا تھا، ایس ایس پی انویسٹی گیشن ڈاکٹر انوش مسعود نے پولیس ٹیم کو ملزمان کی فوری گرفتاری کا ٹاسک دیا، انچارج انویسٹی گیشن شاہدرہ ٹاؤن منیر احمد نے اپنی ٹیم کے ہمراہ عمر فاروق اور غلام مصطفی کو گرفتار کیا۔
شاہدرہ ٹاؤن 21 سالہ لڑکی عائشہ پر تیزاب پھینکنے کا معاملہ ، ایس پی سٹی کیپٹن ریٹائر قاضی علی رضا اور ایس پی انویسٹی گیشن منزہ کرامت کی میو ہسپتال آمد ہوئی، انہوںنے ہسپتال میں زیر علاج متاثرہ 21 سالہ عائشہ کی عیادت کی ،21 سالہ عائشہ پر رشتہ کے انکار پر اسکے رشتے داروں نے تیزاب پھینک دیا تھا،ایس پی سٹی آپریشن اور انویسٹی گیشن نے مریضہ کی عیادت اور خیرت دریافت کی،ہسپتال میں موجود لڑکی کے ورثا کی حوصلہ افزائی کی،ایس پیز نے ڈاکٹروں سے ملاقات کے دوران مریضہ کی کنڈیشن بارے دریافت کیا، ایس پی سٹی کا کہنا تھا کہ تیزاب پھینکے والے دونوں ملزمان گرفتار ہیں,
قانون کے مطابق کڑی سزا دلوائی جائے گی،خواتین پر تشدد اور جنسی استحصال کرنے والے کسی رعائیت کے مستحق نہیں,