خواجہ آصف کا پی ٹی آئی کی مذاکراتی کمیٹی پر ردعمل
وزیر دفاع خواجہ آصف نے سابق وزیراعظم عمران خان کی جانب سے حکومت سے مذاکرات کیلئے بنائی جانے والی کمیٹی پرردعمل دیا ہے۔
باغی ٹی وی : پاکستان تحریک انصاف (پی ٹی آئی) کےچیئرمین عمران خان نے حکومت کےساتھ مذاکرات کیلئے 7 رکنی کمیٹی کا اعلان کیا تھا شاہ محمود قریشی، پرویز خٹک، اسد قیصر،حلیم عادل شیخ، عون عباس، مراد سعید اور حماد اظہر مذاکراتی ٹیم کا حصہ ہوں گے پی ٹی آئی کی یہ کمیٹی انتخابات کے حوالے سے حکومت کے ساتھ لائحہ عمل طے کرے گی۔
تحریک انصاف سے مذاکرات پر نواز شریف کا دو ٹوک موقف
اگر آنے والے دنوں میں یہ حضرات PTI خیر آباد کہہ گۓ تو مذاکرات کے لئے متبادل نام ابھی سے اناؤنس کر دیں پلیز pic.twitter.com/zSmED6NH43
— Khawaja M. Asif (@KhawajaMAsif) May 27, 2023
وزیر دفاع خواجہ آصف نے کمیٹی کے ناموں کا نوٹیفکیشن ٹوئٹ کرتے ہوئے لکھا کہ اگر آنے والے دنوں میں یہ افراد پی ٹی آئی کو خیرباد کہہ گئے تو مذاکرات کیلئے متبادل ناموں کا ابھی سے اعلان کر دیں۔
لیفٹیننٹ کرنل ڈاکٹر سیمی جمالی انتقال کر گئیں
قبل ازیں پاکستان مسلم لیگ (ن) کے قائد و سابق وزیراعظم نواز شریف نے بھی پاکستان تحریک انصاف سے مذاکرات پر ردعمل دیا تھا اپنی ٹوئٹ میں نواز شریف کا کہنا تھا کہ بات چیت صرف سیاست دانوں سے کی جاتی ہے شہدا کی یادگاروں کو جلانے والے، ملک کو آگ لگانے والے دہشت گردوں اور تخریب کاروں کے گروہ سے کسی قسم کی کوئی بات چیت نہیں ہوگی۔