مرکزی مسلم لیگ وفاقی وزیر دفاع خواجہ آصف کے خلاف میدان میں آ گئی ، ہٹانے کا مطالبہ کر دیا ، مرکزی مسلم لیگ کے رہنماوں کا کہنا ہے کہ وفاقی وزیر دفاع خواجہ آصف نے پاکستان کے دفاع کے خلاف سازش کی ہے، پاکستانی عوام اس سازش کو کامیاب نہیں ہونے دے گی پاکستانی عوام خواجہ آصف کو وزارت دفاع کے عہدے سے ہٹانے کا مطالبہ کرتی ہے
مرکزی مسلم لیگ کے مرکزی رہنما چوہدری شفیق الرحمان وڑائچ نے کہا ہے کہ وفاقی وزیر دفاع خواجہ آصف نے اہم منصب پر رہتے ہوئے مسلم دنیا کے ہیرو سلطان محمود غزنوی کے خلاف بیان دے کر بھارت کو خوش کیا ہے،جس سے پاکستانی قوم کے نظریات کو ٹھیس پہنچی ہے وزیر دفاع کے بیان کی شدید مذمت کرتے ہیں خواجہ آصف کو وزارت دفاع کے عہدے سے ہٹایا جائے،
پاکستان مرکزی مسلم لیگ نے خواجہ آصف کے دئیے گئے بیان کے خلاف گوجرانولہ، گجرات سمیت متعدد شہروں میں احتجاج کیا اس دوران مرکزی مسلم لیگ کے رہنما شفیق الرحمان وڑائچ نے احتجاجی مظاہرین سے خطاب میں کہا کہ خواجہ آصف کی جانب سے نجی ٹی وی چینل کو دیئے گئے انٹرویو کے دوران سلطان محمود غزنوی کے خلاف نازیبا زبان استعمال کرتے ہوئے انہیں لٹیرا کہا گیا جس سے لگتا ہے کہ انہوں یہ بیان بھارت کی خوشنودی حاصل کرنے کے لیئے دیا ہے انہوں نے کہا کہ خواجہ آصف قوم کو جواب دیں کہ آپ پاکستان کے وزیر دفاع ہیں یا بھارت کے ؟انہوں نے کہا کہ پاکستان اور امت کے ہیرو کے خلاف بدزبانی کو پاکستان کی عوام قبول نہیں کرے گی پاکستان کی افواج نے اپنے ایٹمی ہتھیاروں کے نام ان ہیروز کے نام پر رکھے ہیں،شفیق الرحمان وڑائچ نے مزید کہا کہ امریکہ کی جانب سے پاکستانی ایٹمی ہتھیار بنانے والی کمپنیوں کے خلاف پابندی لگائی گئی ہے جو کہ پاکستان کے دفاع کو کمزور کرنے کی سازش ہے پاکستان مرکزی مسلم لیگ اس سازش کے خلاف سیسہ پلائی دیوار بن کر کھڑی ہو گی
جمعیت کے وفد کی مرکزی مسلم لیگ کے دفتر آمد، فیصل ندیم سے ملاقات
مرکزی مسلم لیگ کی جانب سے پریس کلب پریحییٰ السنوار کی غائبانہ نمازجنازہ ادا
پاکستان مرکزی مسلم لیگ شاہکوٹ کی یکجہتی فلسطین کانفرنس
مرکزی مسلم لیگ کا سیلاب متاثرہ علاقوں میں فلڈ ریلیف آپریشن جاری
مرکزی مسلم لیگ کا ارشدندیم ، والدین کیلئے عمرے ،گاؤں میں آئی ٹی انسٹیٹیوٹ بنانے کا اعلان
عوام کو حقوق نہ ملے تو ایوانوں کا گھیراؤ کریں گے،مرکزی مسلم لیگ
