خواجہ برادران کو ملی سپریم کورٹ سے بڑی خوشخبری
باغی ٹی وی کی رپورٹ کے مطابق ن لیگی رہنماؤں خواجہ برادران خواجہ سعد رفیق اور خواجہ سلمان رفیق کی درخواست ضمانت سپریم کورٹ نے منظور کر لی ہے
عدالت نے خواجہ سعد رفیق اور خواجہ سلمان رفیق کو 30 ، 30لاکھ کے مچلکے جمع کروانے کا حکم دیا ہے، عدالت میں خواجہ برادران کے وکیل امجد پرویز پیش ہوئے تھے.
دوران سماعت جسٹس مظہر عالم نے ریمارکس دیتے ہوئے کہا کہ ایک طرف کہتے ہیں خواجہ برادران کا پیراگون سے تعلق نہیں ،دوسری جانب پیراگون اورخواجہ برادران زمینوں کا تبادلہ کررہے ہیں
دوران سماعت خواجہ برداران کے وکیل امجد پرویز نے دلائل دیتے ہوئے کہاکہ 7200کینال زمین خواجہ برادران کی تھی، پیراگون سوسائٹی کی کمپنیاں مختلف تھیں، نیب کا الزام ہے کہ لوگوں کو الاٹمنٹ نہیں دی گئی، نیب کی جانب سے 68 افراد کو پلاٹ کی ڈیلوری نہ ہونے کا الزام لگایا گیا ہے۔
وکیل خواجہ برادران نے کہاکہ پیراگون نے نیب کو بتایا کہ 68 سے 62 افراد کے کیس سیٹلڈ کر دیئے ہیں، نیب نے 62 افراد کو نوٹس دیا جو پیش ہوئے، متاثرین نے کہا کہ ان کا مسئلہ حل ہوگیا ہے، پیش ہونے والے افراد نے بتایا کہ نیب کی وجہ سے مسئلہ حل نہیں ہو
وکیل امجد پرویز نے کہا کہ 11 جولائی 2018 کودونوں کو گرفتار کیاگیا تھا،کبھی نیب کی طلبی پر غیر حاضر نہیں ہوئے، کبھی بھی کوئی دستاویز پیش کرنے سے انکار نہیں کیا۔ 30 مئی 2019 کو 6 ماہ گرفتاری کے بعد ریفرنس داخل کیاگیا،4 ستمبر 2019 کو فرد جرم عائد کی گئی ،122 گواہ مقرر کئے گئے،صرف5 گواہوں کے بیانات قلمبندہوئے ،وکیل نے کہا کہ وفاق نے اعتراض کیا کہ وعدہ معاف گواہ کابیان بھی ریکارڈ کرنا چاہئے تھا،آج تک تمام پیشیوں پر صرف2 بار التوامانگا،دونو ارکان کی گرفتاری کو16 ماہ گزر چکے ہیں .
عدالت نے کہا کہ کیاآپ ثابت کرسکتے ہیں سوسائٹی کے پاس مسجد،پارکس اورفلاح کےلئے جگہ موجودہے،جسٹس مقبول باقر نے استفسار کیاکہ اس سوسائٹی کاپلان کس نے منظورکیا؟،وکیل امجد پرویز نے کہاکہ یہ سوسائٹی ٹی ایم اے سے منظورشدہ ہے،2005میں اس کی منظوری ٹی ایم اے سے لی گئی،ایل ڈی اے2013میں اس علاقے میں پہنچا۔ جسٹس مقبول باقر نے استفسار کیاکہ کیااراضی کے تبادلوں کاالزام بھی ہے؟،سوسائٹی میں شاملات کی اراضی کتنی ہے؟،وکیل امجد پرویز نے کہا کہ 7200کنال کی اراضی میں صرف39کنال شاملات میں شامل ہے،جسٹس مقبول باقر نے کہاکہ اس کیس میں اراضی کے تبادلے کابھی الزام ہے.
جسٹس مظہر عالم نے کہا کہ ایک طرف کہتے ہیں خواجہ برادران کا پیراگون سے تعلق نہیں ،دوسری جانب پیراگون اور خواجہ برادران زمینوں کا تبادلہ کررہے ہیں ۔وکیل امجد پرویز نے کہا کہ سعد رفیق نے 50 کنال زمین کے عوض 40 کنال پیراگون سے لی ،خواجہ برادران کو کمیشن کی مد میں پیراگون نے رقم ادا کی،دونوں بھائیوںنے تیسرے فریق سے پیراگون کو زمین دلوائی تھی۔وکیل امجدپرویز نے کہاکہ سلمان رفیق پر12 اورسعدرفیق پر6.6 ملین غیرقانونی رقم لینے کا بھی الزام ہے۔
وکیل امجد پرویز نے کہاکہ چیئرمین نیب نے گواہ قیصر امین بٹ کو 2 مرتبہ معافی دی،قیصر امین بٹ کا بیان نیب کی مرضی کے مطابق نہیں تھا،معافی کے بعدقیصر امین بٹ نے مجسٹریٹ کے سامنے بیان دیا،قیصرامین بٹ کا بیان نیب کی مرضی کے مطابق نہیں تھا،قیصر امین بٹ کو پہلی معافی 23 نومبر2018 کو دی گئی.
خواجہ برادران پر فرد جرم عائد کی جا چکی ہے۔عدالت نے ریفرنس کے 3 ملزموں ندیم ضیاء، عمر ضیاء اور فرحان علی کو اشتہاری قرار دے رکھا ہے جنہوں نے پیراگون سوسائٹی میں سادہ لوح شہریوں سے 59 کروڑ کا فراڈ کیا ہے۔
آپ نے بحث مکمل کرنی ہے یا باہر جانا ہے؟ عدالت کے استفسار پر خواجہ سعد رفیق نے کیا کہا؟
لاہور کی احتساب عدالت نے 4 ستمبر کو مسلم لیگ ن کے رکن قومی اسمبلی خواجہ سعد رفیق اور ان کے بھائی خواجہ سلمان رفیق کے خلاف پیراگون ہاؤسنگ سوسائٹی میں بے ضابطگیوں پر دائر ریفرنس میں فرد جرم عائد کی تھی۔ خواجہ سعد رفیق اور خواجہ سلمان رفیق نے صحت جرم سے انکار کیا تھا۔
میں ملنے گئی تو زرداری وہیل چیئر سے اٹھے، پولیس نے کہا دفعہ ہو جاؤ، آصفہ بھٹو
آصف زرداری کا طبی معائنہ، کونسی بیماری اور ڈاکٹر نے کیا تجویز کیاِ؟
واضح رہے کہ 11 دسمبر کو لاہور ہائی کورٹ نے مسلم لیگ ن کے رہنماؤں خواجہ سعد رفیق اور ان کے بھائی سلمان رفیق کی عبوری ضمانت خارج کردی تھی، جس کے بعد نیب نے دونوں بھائیوں کو حراست میں لے لیا تھا۔ خواجہ برادران کو پیراگون ہاؤسنگ اسکینڈل میں گرفتار کیا گیا
