ٹیسلا نے اپنی مکمل خودکار گاڑی متعارف کرادی

ایلون مسک کی کپمنی ٹیسلا نے مکمل طور پر خود کارگاڑی متعارف کرادی ہے۔

باغی ٹی وی :عالمی میڈیا کے مطابق ٹیسلا کے مالک ایلون مسک نے کار کو پیش بھی کیا ہے اور اس میں خود بھی ڈرائیو لی ہے دو دن قبل ایلون مسک نے مکمل خود کار ٹیکسی کی مدد سے سفر کیا اُن کا تجربہ بھرپور کامیابی سے ہم کنار ہوا، اس ٹیکسی میں اسٹیئرنگ وھیل ہے نہ پیڈل یہ مکمل طور پر سینسرز کی مدد سے لیتی ہے۔

یہ گاڑی 30 ہزار ڈالر کی ہے اس برقی گاڑی میں وائر لیس چارجنگ کی سہولت بھی موجود ہے یہ سہولت انڈکٹیو ٹیکنالوجی کی مدد سے فراہم کی گئی ہے ایلون مسک کا دعوٰی ہے کہ یہ گاڑی انسانوں کے ذریعے چلائی جانے والی گاڑیوں سے دس سے بیس گنا محفوظ ہے۔

دوسری جانب محکمہ ایکسائز، ٹیکسیشن اینڈ نارکوٹکس کنٹرول پنجاب گاڑیوں کے لیے من پسند نمبر پلیٹ سکیم کا اجراء کرنے جا رہا ہے۔

ڈائریکٹر جنرل ایکسائز فیصل فرید نے کہا کہ وزیراعلیٰ پنجاب مریم نواز کی منظوری کے بعد سکیم کا باقاعدہ اجراء کر دیا جائے گا من پسند نمبروں کااجراء کمپیوٹرائزڈ نیلامی کے ذریعے ہو گا من پسند نمبروں کی3 کیٹگریز رکھی گئی ہیں۔ کارپوریٹ کیٹگری کے تحت نمبر پلیٹ پر کمپنی کا نام لکھوایا جاسکے گا پلاٹینم کیٹگری کے تحت اپنا یا کسی بھی پیارے کا نام لکھوایا جا سکے گا جبکہ گولڈ کیٹگری کے تحت3 من پسند حروف اور3 ہند سے لکھوائے جا سکیں گے، نمبر پلیٹ کے لیے مذہبی سیاسی یا سماجی منافرت پر مبنی لفظ یا ہندسہ الاٹ نہیں ہو گا مزید معلومات محکمہ ایکسائز کی ویب سائٹ یا ہیلپ لائن سے حاصل کی جا سکتی ہیں۔