دلہن بنی شادیوں کی شوقین مادھوری گرفتار

خوشاب: دلہن بنی شادیوں کی شوقین مادھوری گرفتار،100 افراد کو شادی کا جھانسہ دیکر لوٹنے والی ملزمہ گروہ سمیت گرفتار
خوشاب میں شادی کا جھانسہ دے کر لوٹنے والی ملزمہ گروہ سمیت گرفتار کر لی گئی۔گرفتار ملزمان سے مالِ مسروقہ بھی برآمد کر لیا گیا ہے، ملزمہ اب تک 100 سے زائد افراد کو لوٹ چکی ہے۔

پولیس کے مطابق خوشاب کے علاقے قائد آباد سے شادی کا جھانسہ دے کر لوگوں کو لوٹنے والی ملزمہ کو دلہن کے روپ میں گرفتار کر لیا ہے۔
ملزمہ نسرین عرف مادھوری پچھلے 8 سال سے شادی کا جھانسہ دے کر 100 سے زائد افراد کو لوٹ چکی ہے۔

ملزمہ کو اس کے گروہ سمیت گرفتار کر کے لوٹے ہوئے 3 لاکھ روپے بھی برآمد کر لیے گئے ہیں۔