کراچی کے صارفین کے لیے بجلی کی قیمت میں بڑی کمی کے لیے نیپرا کی عوامی سماعت مکمل ہوگئی۔
باغی ٹی وی کے مطابق کے الیکٹرک حکام نے موقف اپنایا کہ کے ای کی 13.9 ارب روپے کی فیول لاگت ایڈجسٹمنٹ زیر التوا ہے۔کے الیکٹرک نے ایف سی اے کی مد میں 6 روپے 62 پیسے فی یونٹ کمی کی درخواست جمع کروائی تھی۔ کے ای کی جولائی 2023 تا فروری 2025 کی فیول لاگت کی منظوری بھی درخواست شامل تھی۔ممبر نیپرا رفیق احمد شیخ نے کہا کہ نومبر سے منفی فیول چارجز ایڈجسٹمنٹ آ رہے ہیں، منفی ایف سی اے سے صارفین کو ریلیف ملنا تھا اور اس ریلیف کے وقت کے الیکٹرک پرانی ایڈجسٹمنٹ لے آئی ہے۔ک
ے ای صارف نے کہا کہ پورے منفی ایف سی اے کا ریلیف اس بار بھی صارفین کو نہیں دیا جا رہا۔ممبر نیپرا رفیق احمد شیخ نے کہا کہ کے الیکٹرک خراب میٹر کو تبدیل نہیں کرتا تو اس کا اپنا نقصان ہوگا۔من و عن منظوری سے صارفین کو چھ ارب 60 کروڑ کا ریلیف ملے گا۔ کمی کا اطلاق کے الیکٹرک کے تمام صارفین ماسوائے لائف لائن، پروٹیکٹڈ صارفین، پری پیڈ صارفین اور الیکٹرک وہیکل چارجنگ اسٹیشنز پر ہوگا۔نیپرا اتھارٹی ڈیٹا کی جانچ پڑتال کے بعد اپنا تفصیلی فیصلہ جاری کرے گی۔
اسلام آباد کا ملتان کو جیت کیلئے 203 رنز کا ہدف
کرپشن کرنے پرسابق صدر کو اہلیہ سمیت لمبی سزا
