سوئٹزرلینڈ میں خواتین پر برقعہ پہننے کی پابندی کی تاریخ کا اعلان

یورپی ملک سوئٹزر لینڈ میں خواتین کے برقعہ پہننے پر پابندی عائد کرنے کا فیصلہ اور باقاعدہ تاریخ کا اعلان کیا گیا ہے۔

باغی ٹی وی : غیر ملکی میڈیا کے مطابق سوئس حکومت کی جانب سے بدھ کے روز اعلان کیا گیا کہ سوئٹزر لینڈ میں برقعے پر پابندی کے فیصلہ پر عمل درآمد یکم جنوری 2025 سے ہوگا حکومت نے مسلمان خواتین کے عوامی مقامات پر برقع اوڑھنے پر پابندی کا اعلان کر رکھا ہے،برقع پہننے کی صورت میں 900 پاؤنڈ تک کا جرمانہ عائد کیا جائے گا-

سوئس حکومت کی فیڈرل کونسل نے بیان جاری کیا کہ ہم نے برقعے پر پابندی کو عملی طور پر نافذ کرنے کی تاریخ طے کر دی ہے اور جو کوئی بھی عوامی جگہ پر غیر قانونی طور پر اس کی خلاف ورزی کرے گا اسے £888 (1,000 سوئس فرانک) تک کے جرمانے کا سامنا کرنا پڑے گا،تاہم یہ پابندی جہازوں اور سفارتی جگہوں پر نہیں ہو گی ، نیز عبادت گاہوں میں بھی مسلمان خواتین نقاب کر سکیں گی۔

ٹرمپ کو دوبارہ صدر منتخب ہونے پر بلاول کی مبارکباد

کونسل کے جاری کردہ بیان کے مطابق چہرے کو چھپانے کی صحت اور تحفظ کی ضرورتوں کے پیش نظر بھی اجازت ہو گی رسم و رواج اور موسمی شدت سے بچنے کے لیے بھی پردے کی اجازت ہو گی اسی طرح فنکارانہ ضرورتوں کے تحت بھی چہرہ ڈھانپنے کی اجازت ہوگی، کسی خاتون کو اپنی حفاظت کے لیے بھی پردے کی ضرورت ہو تو اسے اجازت ہو گی۔

سال 2021 میں ایک محدود اکثریت کے ساتھ ایک ریفرنڈم منعقد ہوا تھا جہاں مسلمانوں کی انجمنوں نے اس کے خلاف سخت مذمت کی تھی، ملک گیر پابندی کی تجویز دائیں بازو کی سوئس پیپلز پارٹی نے کی تھی، مسلمانوں کی انجمنوں کا کہنا تھا کہ یہ اقدام انہی کی طرف کیا گیا ہے جنہوں نے 2009 میں مساجد کے میناروں پر پابندی لگا دی تھی-

ٹرمپ کے عہدہ سنبھالے سے پہلے وائٹ ہاؤس کا یوکرین کو امداد بھیجنے کافیصلہ