لاہور: 72 گھنٹوں میں خواتین سے زیادتی اور تشدد کے درجنوں واقعات رپورٹ

لاہور: 72 گھنٹوں میں خواتین سے زیادتی اور تشدد کے 28 واقعات رپورٹ ہوئے ہیں۔

باغی ٹی وی : پولیس ریکارڈ کے مطابق گزشتہ 3 دنوں میں لاہور کے علاقے نواب ٹاؤن میں یونیورسٹی طالبہ کو کلاس فیلو نے زیادتی کا نشانہ بنایا، ہنجروال میں نوکری کا جھانسہ دےکر خاتون سے زیادتی کی گئی، مناواں میں لڑکی کو ورغلاء کر زیادتی کا نشانہ بنایا گیا ہربنس پورہ میں جہیز کا تقاضہ پورا نہ کرنے پر سسرالیوں نے بہو پر تشددکیا، ساندہ میں بیوی پر شوہر اور سسرالیوں نے تشددکیا، سبزہ زار میں بہو پر سسرالیوں نے تشدد کیا، گرین ٹاؤن میں شوہر اور سسر نے خاتون کا سر مونڈ دیا، تمام واقعات کے مقدمات درج ہیں، ملزمان کو جلدگرفتار کرلیا جائےگا۔

موسمیاتی تبدیلیوں کے باعث پاکستان کو سالانہ اربوں ڈالر کا نقصان

دوسری جانب راولپنڈی کی شیر زمان کالونی میں دیور نے بیوہ بھابھی اور اس کی بیٹیوں کو دیگر ساتھیوں کے ساتھ مل کر تشدد کا نشانہ بنایا، ملزمان نے بیوہ اور اس کے بچوں پر بیلچوں سے وار کر کے تشدد کا نشانہ بنایا ایس ایس پی آپریشنز کامران اصغر کا کہنا ہے کہ ملزم ریاض شاہ متاثرہ بیوہ کا دیور ہے اور فیملی کے درمیان مکان کا تنازع چل ہے، ملزم اپنے دوسرے بھائی سے مل کر حصہ مانگ رہا ہے جبکہ مکان متاثرہ بیوہ کے مرحوم شوہر کے نام ہے۔

ریٹیلرز اور ہول سیلرز کی رجسٹریشن کرکےایڈوانس انکم ٹیکس وصول کیاجائےگا،ایف بی آر

پولیس حکام کا کہنا ہے کہ ملزم ریاض شاہ کو گرفتار کر کے مقدمہ درج کر لیا گیا ہے اور واقعے کی تحقیقات شروع کر دی گئی ہیں، وزیراعلیٰ پنجاب مریم نواز نے واقعے کا نوٹس لیتے ہوئے ملزمان کیخلاف فوری کارروائی کی ہدایت کی ہے اور پولیس حکام سے رپورٹ طلب کرتے ہوئے کہا ہے کہ خواتین پر تشدد برداشت نہیں، یہ ریڈ لائن ہے۔

سیالکوٹ: پولیس کی منشیات فروشوں کے کارروائی، 5ملزمان منشیات سمیت گرفتار