خیبر(باغی ٹی وی رپورٹ) ٹیکنیکل ایجوکیشن کی بہتری کے لیے گرینڈ جرگہ، KITE کی توسیع پر مشاورت
خیبر رائفلز ہیڈ کوارٹر میں کمانڈنٹ خیبر رائفلز کے زیر صدارت خیبر انسٹیٹیوٹ آف ٹیکنیکل ایجوکیشن (KITE) کی بہتری اور ای کامرس تعلیم کے فروغ کے لیے گرینڈ مشاورتی جرگہ منعقد ہوا۔
جرگے میں سینکڑوں مشران، بلدیاتی نمائندگان، عمائدین، ماہرین تعلیم اور یوتھ نے شرکت کی، جہاں KITE میں مزید جدید ٹیکنیکل پروگرام شامل کرنے اور اسے شلمان و علی مسجد جیسے دور افتادہ علاقوں تک وسعت دینے کی تجاویز پیش کی گئیں۔
کمانڈنٹ خیبر رائفلز نے شرکاء کو یقین دلایا کہ ان سفارشات کو اعلیٰ حکام تک پہنچایا جائے گا اور مزید بہتری کے لیے اقدامات کیے جائیں گے۔ قومی مشران اور طلبہ نے ٹیکنیکل ایجوکیشن کے فروغ پر خیبر رائفلز کے کردار کو سراہتے ہوئے اسے علاقے کی ترقی کے لیے اہم پیشرفت قرار دیا۔
