ڈاکٹرغلام مصطفی بڈانی
خیبر(باغی ٹی وی رپورٹ) ضلعی اوورسائٹ کمیٹی برائے جیل خانہ جات کا اجلاس، بنیادی مسائل کے حل کے لیے اہم فیصلے
خیبر: ڈپٹی کمشنر خیبر کیپٹن (ر) بلال شاہد راو کی زیر صدارت ضلعی اوورسائٹ کمیٹی برائے جیل خانہ جات کا اجلاس ڈپٹی کمشنر آفس میں منعقد ہوا۔ اجلاس میں ایڈیشنل ڈپٹی کمشنر احسان اللہ، اسسٹنٹ کمشنر باڑہ نوید احمد، اسسٹنٹ کمشنر لنڈیکوتل عدنان ممتاز اور دیگر افسران نے شرکت کی۔
اجلاس میں سب جیلوں کے مسائل، پانی اور بجلی کی فراہمی، علاج معالجہ، سیکورٹی اور صفائی کی صورتحال پر تفصیلی گفتگو کی گئی۔ ڈپٹی کمشنر نے سب جیل لنڈیکوتل، جمرود اور باڑہ میں سہولیات کی فراہمی کو اولین ترجیح قرار دیا اور متعلقہ محکموں کو فوری اقدامات کی ہدایت دی۔
کمیٹی ممبران کو آئندہ ہفتے جیلوں کے دورے کرنے، تعمیراتی کام مکمل کرنے اور محکمہ صحت کو میڈیکل ٹیمیں بھجوانے کے احکامات جاری کیے گئے۔ صفائی کے حوالے سے تحصیل میونسپل ایڈمنسٹریشن کو بھی ضروری اقدامات کی ہدایت دی گئی۔
