خیبرپختونخوااحتساب کمیشن ، قومی خزانے کو کروڑوں کا نقصان پہنچایا گیا

0
37

خیبرپختونخوامیں احتساب کمیشن کی ناکامی کے اسبابآڈیٹرجنرل کی اسپیشل اسٹڈی رپورٹ میں چشم کشا انکشافات،اسپیشل اسٹڈی رپورٹ خیبرپختونخوا پبلک اکاؤنٹس کمیٹی کو ارسال

رپورٹ کے مطابق ڈی جی احتساب کمیشن سے ملزم کو گرفتار کرنے کا اختیار لینا اسکی ناکامی کی بڑی وجہ ہے۔ انٹرنل مانیٹرنگ اور پبلک کمپلینٹ ونگ کی ناقص کارکردگی بھی احتساب کمیشن کی ناکامی کی ایک بنیادی وجہ ہے۔احتساب کمیشن میں بے ضابطگیوں کی بڑی وجہ ناقص نگرانی قرار ۔

ایڈیشنل ڈائریکٹر انوسٹیگیشن کو غیرقانونی توسیع دینے سے قومی خزانے کو 1کروڑ 14 لاکھ روپے کا نقصان ہوا ۔مانیٹرنگ ڈائریکٹر کی تقرری غیرقانونی ہوئی۔جس کو تنخواہوں کی مد میں 75لاکھ جاری ہوئے ۔افسران کو اعزازی پیسوں کے نام پر تین کروڑ تراسی لاکھ سے زائد روپے دئیے گئے ۔

کنٹرولر جنرل سے منظوری کے بغیر 53 کروڑ 74 لاکھ خرچ کئے گئے ۔ دفترکی گاڑیوں کے غیرضروری استعمال سے 22 لاکھ روپے اضافی خرچ ہوئے ۔
جنریٹر اور دیگرسامان کی خریداری میں خردبرد کیا گیا ۔ناقص انوسٹیگیشن اور کمزور پراسیکیوشن ٹیم کی وجہ سے کمیشن اپنے کیسز کا دفاع نہیں کرسکا۔

Leave a reply