کیا منگل تک انتظار کیا جا سکتا ہے؟ ڈاکٹر نے ایسا جواب دیا کہ سب پریشان ہو گئے

کیا منگل تک انتظار کیا جا سکتا ہے؟ ڈاکٹر نے ایسا جواب دیا کہ سب پریشان ہو گئے

باغی ٹی وی کی رپورٹ کے مطابق اسلام آباد ہائیکورٹ میں نواز شریف کی سزا معطلی کی درخواست پر سماعت کے بعد صحافیوں نے سروسز ہسپتال کے ایم ایس سے سوال کیا کہ کیا منگل تک انتظارکیا جاسکتا ہے، جس پرڈاکٹر سلیم نے کہا کہ کسی کاانتظارنہیں کیاجاسکتا،میرا بھی نہیں کیا جا سکتا، کب کس نے جانا ہے یہ اللہ جانتا ہے

قبل ازیں اسلام آباد ہائی کورٹ میں میاں نواز شریف کی درخواست ضمانت کی سماعت 29اکتوبر بروز منگل تک ملتوی میڈیکل بورڈ کو ہدایت دی گئی کہ ڈاکٹر عدنان سے مشاورت کرکے تفصیلی رپورٹ پیش کریں درخواست ضمانت پر فیصلہ بھی منگل کو متوقع ہے

جسٹس محسن اختر کیانی نے استفسارکیا کہ نوازشریف کی جان کو خطرہ ہے؟ ایم ایس نے کہا کہ جی نوازشریف کی جان کو خطرہ ہے،جسٹس محسن اختر کیانی نے کہا کہ وہ تو ظاہر ہے جب آپ علاج نہیں کریں گےتو جان کو خطرہ توہو گا،خواجہ حارث نے کہا کہ نواز شریف کی بیماری پہلے سے بہت بڑھ چکی ہے،نواز شریف کو اجازت ہونی چاہیے کہ وہ اپنے لیےبہترین علاج کرائیں ،

جسٹس عامر فاروق نے کہا کہ آپ کہہ رہے ہیں کہ یہ بھی اچھے ہوں گے،لیکن بہترین علاج کی اجازت دیں،جس پر خواجہ حارث نے کہا کہ ذرا سی غلطی بھی نوازشریف کی جان لے سکتی ہے،نواز شریف کو اس کیس میں سات سال کی سزا ہے، سزا کہیں جا رہی ہے نہ ہی نواز شریف یا ان کی جائیداد،نواز شریف کی زندگی کی حفاظت پہلے ہونی چاہیے،