کسان اتحاد کا پنجاب اسمبلی کے گھیراؤ کا اعلان،وزیراعظم کے اعلان کے باوجود کیا بڑا مطالبہ

باغی ٹی وی کی رپورٹ کے مطابق مہنگائی کیخلاف کسان اتحاد نے ٹھوکرنیازبیگ پراحتجاج شروع کر دیا ہے، مظاہرین نے ٹھوکرسے لاہورجانے والی شاہراہ بلاک کردی ،مظاہرے میں بڑی تعداد میں کسان شریک ہیں، سڑک بند کرنے سے گاڑیوں کی لمبی قطاریں لگ گئیں، مظاہری کا کہنا ہے کہ حکومت نے فی یونٹ بجلی 30 روپے کردی ، کھادوں کی قیمتوں میں اضافہ منظور نہیں،

کسان اتحاد کے سربراہ چوہدری انور نے کہا ہے موجودہ حکومت نے زراعت کو تباہ کرکے کسان کو برباد کردیا ہے، کسانوں کا گلہ گھوٹنا ملکی معیشت کا گلا گھوٹنے کے متراف ہے، کسانوں کے مطالبات نہ تسلیم کئے گئے تو ملکی معیشت زمین بوس ہوجائے گی، اسمبلیوں اور تحریک انصاف میں بیٹھے ہوئے کسان دشمن مافیا کو یہ وارننگ دے رہے ہیں کہ وہ کسانوں کے مطالبات تسلیم کریں ورنہ وہ اسمبلیوں کا گھیراو کریں گے، حکومت کو شوگر ملز مافیا نے یرغمال بنا رکھا ہے، کسانوں کے خون کا آخری قطرہ تک نچوڑنا چاہتے ہیں، کھیت اجڑ چکے ہیں اور کاشتکاروں کے گھروں میں فاقے شروع ہوگئے ہیں۔

کسانوں نے اعلان کیا کہ پنجاب اسمبلی جائیں گے اور وہ مطالبات کے تسلیم ہونے تک پنجاب اسمبلی کے سامنے دھرنا جاری رکھیں گے۔

حکومت کسان دوست اقدامات کر رہی ہے‘ مومنہ وحید

مہاراشٹر میں بی جے پی دورمیں کتنے کسانوں نے خود کشی کی، خبر نے ہوش اڑا دیے

بھارت میں خودکشی کا رحجان بڑھ گیا، تازہ ترین رپورٹ سامنے آگئی

واضح رہے کہ کسانوں کے عالمی دن کے موقع پر وزیر اعظم عمران خان نے سماجی رابطے کی ویب سائٹ ٹوئٹر پر اپنے ایک ٹونٹ میں کہا کہ آج کے دن اپنے چھوٹے کسانوں کو سہولیات فراہم کرنے کا عزم کرتا ہوں۔

عمران خان کا کہنا ہے کہ کسان کو فصل کی جائز قیمت اور منڈی تک رسائی دلائیں گے جبکہ احساس پروگرام کے تحت کسانوں کے لیے صحت کارڈ کی سہولت بھی فراہم کریں گے۔ وزیر اعظم عمران خان کا مزید کہنا تھا کہ کسانوں کے بچوں کو احساس پروگرام کے ذریعے سکالرشپس بھی دیں گے.