کوئی شکایت ہو تو مجھے بتائیں، کسی اور جگہ چغلی کرنے کی ضرورت نہیں،بلاول بھٹو

کراچی: چیئرمین پیپلز پارٹی بلاول بھٹو زرداری نے کہا ہے کہ کراچی اور ملک کی ترقی میں تاجر برادری کا اہم کردار ہے۔

باغی ٹی وی : صوبائی حکومت پر تاجروں کی تنقید کے بعد چیئرمین پیپلز پارٹی بلاول بھٹو زرداری نے تاجروں کو آج ظہرانے پر مدعو کیا تھا بلاول بھٹو نے تاجر برادری کے اعزاز میں کراچی میں ایک تقریب کا انعقاد کیا جس میں انہوں نے تاجربرادری سے بات چیت کی اور ان کے مسائل سنے۔

تقریب سے خطاب کرتے ہوئے بلاول بھٹو نے کہا کہ اگر کسی بیوروکریٹ یا وزیراعلیٰ سے کوئی شکایت ہو تو مجھے بتائیں، کسی اور جگہ چغلی کرنے کی ضرورت نہیں ہےسندھ میں ذمہ دار پیپلز پارٹی ہے اور ہمیں مسائل کے حل کے لیے آگاہ کریں۔

پی آئی اے کے 8 بین الاقوامی روٹس بحال

بلاول بھٹو نے سندھ میں امن و امان کی صورتحال کو پیپلز پارٹی کی بدولت قرار دیتے ہوئے کہا کہ آج آپ سے بھتہ نہیں مانگا جا رہا، صنعتوں کو بند کر کے مزدوروں کو سیاسی جلسوں میں نہیں لے جایا جا رہا اور آپ کی زندگی کو کوئی خطرہ نہیں تاجر برادری کے مسائل بہت پہلے حل ہو جانے چاہیے تھے، اور کراچی اور ملک کی ترقی میں تاجر برادری کا اہم کردار ہے۔

بلاول بھٹو نے اپنے خطاب میں سوال کیا کہ کیا میں نے کبھی آپ کو تنگ کیا؟اور کہا کہ میں کیوں چاہوں گا کہ میرے یا میری حکومت کے نام پر تاجروں کو تنگ کیا جائے؟ ماضی میں کراچی کا چلن اب تاریخ کا حصہ بن چکا ہے اور اب ہوائی باتیں ختم ہونی چاہئیں۔

ٹوکن ٹیکس نادہندگان کے خلاف سخت اقدامات کا فیصلہ

آخر میں بلاول بھٹو نے کہا کہ 15 سال سے میری حکومت ہے، کیا میں نے آپ کو تنگ کیا؟سندھ میں پیپلز پارٹی کی حکومت ہے اور وزیراعلیٰ آپ کی بات سنیں گے۔

واضح رہے کہ چند روز قبل وفاقی وزیر برائے منصوبہ بندی احسن اقبال کی کراچی میں تاجروں سے ملاقات کے دوران تاجر رہنما عتیق میر نے ان سے کہا تھا، ’کچھ عرصے کے لیے مریم نواز ہمیں دے دیں اور مراد علی شاہ آپ رکھ لیں۔

حکومت کا پی ٹی وی سے جعلی ڈگریوں والے ملازمین کو نکالنے کا اعلان

عتیق میر کے اس بیان پر سندھ حکومت کی ترجمان سعدیہ جاوید نے سخت ردعمل دیتے ہوئے کہا تھا کہ کسی خوشامدی سے رٹا لگوائی ہوئی بات کہلوانے سے زمینی حقائق تبدیل نہیں کیے جا سکتے مراد علی شاہ منتخب وزیراعلیٰ ہیں، اور متعلقہ تاجر نے عوام کے مینڈیٹ کی توہین کی ہے۔‘

سندھ حکومت کے ایک اور ترجمان، سکھ دیو آسرداس ہمنانی نے کہا کہ ایک تاجر کا خوشامدی بیان پوری تاجر برادری کی سوچ کی عکاسی نہیں کرتا، وزیراعلیٰ سندھ کی کارکردگی پیپلز پارٹی کے منشور کا حصہ ہے، اور کسی ایک بیان سے حقائق نہیں بدل سکتے۔

سیف علی خان کیس،نئی ویڈیولیک،کرینہ کپور کہاں تھیں،سیف کے جسم پر نشان

حکومتی ردعمل کے بعد تاجر رہنما عتیق میر نے سوشل میڈیا پر جاری ایک ویڈیو بیان میں وضاحت پیش کی، ان کا کہنا تھا کہ ’مریم نواز کو سندھ دینے کی بات میں نے مذاق میں کہی تھی، اور یہ کسی بلدیاتی کارکردگی کے حوالے سے نہیں تھی مریم نواز کون سا وہاں کارکردگی کے جھنڈے گاڑھ رہی ہیں، مریم نواز کا معاملہ بھی اپنے باپ اور چچا جیسا ہے کہ ”ساڈے کام نہ ویکھو، ساڈیاں آنیاں جانیاں ویکھو“ ۔‘