تحریکِ انصاف کی رہنما زرتاج گل نے کہا ہے کہ پی ٹی آئی قیادت اور کارکنوں کے ساتھ جو کچھ ہو رہا ہے، وہ اگر کسی اور جماعت کے ساتھ ہوتا تو وہ فوراً اس صورتحال سے بھاگ جاتے۔
انہوں نے یہ بات گوجرانوالہ میں اے ٹی سی کے باہر میڈیا سے گفتگو کرتے ہوئے کہی۔زرتاج گل کا کہنا تھا کہ پی ٹی آئی کے رہنماؤں اور کارکنوں کے ساتھ ہر جگہ جبر اور فسطائیت کا سامنا ہے، اور ہم میں سے ہر فرد بانیٔ پی ٹی آئی کے ساتھ کھڑے ہونے کی قیمت ادا کر رہا ہے۔ انہوں نے واضح کیا کہ پی ٹی آئی کے بانی کی بہنوں کے ساتھ جو سلوک ہو رہا ہے، وہ نہ صرف پاکستان بلکہ سیاست کے لیے بھی افسوسناک ہے۔زرتاج گل نے مزید کہا کہ ہمیں اپنی حب الوطنی کا سرٹیفکیٹ کسی سے لینے کی ضرورت نہیں۔ ان کا کہنا تھا کہ "ہمیں جتنے مرضی کیسز کر لیں، ہم نے بانیٔ پی ٹی آئی کا ساتھ نہیں چھوڑنا۔”انہوں نے بتایا کہ حالیہ دنوں میں انہیں اور دیگر رہنماؤں کو کئی گھنٹوں تک محصور رکھا گیا، جس کے باعث عمر ایوب کی طبعیت بھی خراب ہو گئی۔زرتاج گل نے کہا کہ جب بانیٔ پی ٹی آئی کی رہائی ہوگی، تو یہ پاکستان کی تاریخ کا ایک اہم دن ہوگا اور اس دن کا تعلق ملک کی سیاست میں ایک نئی تبدیلی سے ہوگا۔
