عمران خان کے الزامات بے بنیاد،کسی پارٹی کی حمایت نہیں کرتے،امریکہ

امریکی محکمہ خارجہ نے کہا ہے کہ عمران کے الزامات بے بنیاد ہیں، امریکا پاکستان میں کسی پارٹی کی حمایت نہیں کرتا

ترجمان امریکی محکمہ خارجہ میتھیو ملر کا صحافی کے سوال کے جواب میں کہنا تھا کہ پاکستان کے مستقبل کی قیادت کا فیصلہ پاکستانی عوام کو کرنا ہے،امریکا پاکستان یا دنیا میں کہیں بھی کسی ایک امیدوار یا پارٹی کو اہمیت نہیں دیتا، امریکا کی دلچسپی جمہوری عمل میں ہے،عمران خان کے الزامات بے بنیاد ہیں امریکا چاہتا ہے انتخابات پاکستانی قوانین کے مطابق آزادانہ اور منصفانہ ہوں،امریکا پاکستان کو نہیں کہہ سکتا کہ انتخابات کیسے کروائے، پاکستان میں جمہوری اظہار اور متحرک جمہوریت کی حمایت جاری رکھیں گے

واضح رہے کہ ترجمان امریکی محکمہ خارجہ سے صحافی نے سوال کیا تھا کہ ایسے ملک میں لوگ حکومت کیسے منتخب کر سکتے ہیں کہ جس کو وہ ووٹ دینا چاہتے ہوں وہ بیلٹ پیپر پر ہی نہ ہو؟

دوسری جانب امریکی محکمہ خارجہ نے مذہبی آزادی کے‌ حوالہ سے سالانہ رپورٹ جاری کی ہے جس میں پاکستان کا نام بھی شامل کیا گیا ہے، رپورٹ میں پاکستان کا نام خاص تشویش والے ممالک میں‌شامل کیا گیا ہے،فہرست میں روس، چین، ایران، سعودی عرب، الجزائر، آذربائیجان، وسطی افریقی، کوموروس اور ویتنام بھی شامل ہیں،امریکی وزیر خارجہ انٹونی بلنکن کا کہنا ہےکہ حکومتوں کو مذہبی اقلیتی برادریوں کے ارکان اور ان کی عبادت گاہوں پر حملے کو ختم کرنا چاہیے.