کشمور،باغی ٹی وی (نامہ نگارمختیار احمد اعوان) کندھ کوٹ کورڈ ملازمین کا احتجاج، پکا نہ کرنے اور تنخواہوں کی عدم ادائیگی پر ڈبلیو ایچ او اسد سومرو کی ناانصافیوں کے خلاف مظاہرہ
تفصیل کے مطابق کندھ کوٹ میں کورڈ ملازمین اور پیرا میڈیکل اسٹاف کے ملازمین نے ڈبلیو ایچ او اسد سومرو کی ناانصافیوں کے خلاف او پی ڈی کا بائیکاٹ کر کے احتجاج کیا۔
مظاہرین نے ہاتھوں میں پلے کارڈز اٹھا کر تنخواہیں نہ دینے اور کورڈ ملازمین کو پکا نہ کرنے کے خلاف زوردار نعرے بازی کی۔ پیرا میڈیکل اسٹاف کے ضلع جنرل سیکریٹری قاضی اعجاز احمد نے کہا کہ کورڈ ملازمین کو کئی برسوں سے کام کر رہے ہیں، لیکن نہ انہیں پکا کیا جا رہا ہے اور نہ ہی تنخواہیں دی جا رہی ہیں۔
ضلع صدر پیرا میڈیکل اسٹاف علی حسن قمبرانی نے کہا کہ ڈبلیو ایچ او کو کروڑوں روپے مل رہے ہیں لیکن یہ کہاں خرچ ہو رہے ہیں؟ اس کے باوجود نااہل ڈی ایچ او نے 600 روپے روزانہ تنخواہ والے ملازمین کو کچے کے علاقوں میں ورک پر بھیج دیا ہے، جو کہ سراسر ناانصافی ہے۔
مظاہرین نے وزیر اعلیٰ سندھ، ہیلتھ منسٹر اور دیگر بالا حکام سے مطالبہ کیا کہ کورڈ ملازمین کے ساتھ ہونے والی ناانصافی کو ختم کیا جائے اور انہیں پکا کر بے چینی دور کی جائے۔
