کندھ کوٹ ،باغی ٹی وی ( مختیار احمد اعوان)چہلم حضرت امام حسین کی مناسبت سے ضابطہ اخلاق کا خیال رکھا جائے ۔ڈپٹی کمشنر کشمور ایٹ کندکوٹ منورعلی مٹیانی . چہلم میں سیکورٹی کے حوالے سے ضلع بھر میں مکمل اہتمام کیا جائے گا۔ ایس ایس پی امجد شیخ. اور رینجرز کے کرنل جمیل احمد۔
تفصیل کے مطابق آج ڈپٹی کمشنر آفس میں چہلم حضرت امام حسین کے انتظامات کا جائزہ لینے کیلئے ایک اجلاس بلوایا گیا۔اجلاس کی صدارت ڈپٹی کمشنر اور ضلع چیئر مین میر گل محمد خان جکھرانی نے کی۔
اجلاس سے خطاب کرتے ہوئے ڈپٹی کمشنر کشمور ایٹ کندکوٹ منورعلی مٹیانی اور چیئر مین میرگل محمد خان جکھرانی کا کہنا تھا کہ ہمارا ضلع ایک پرامن ضلع ہے۔ محرم الحرام مشترکہ تعاون اور امن سے گزرا جس میں علماء کا تعاون قابل تعریف ہے ۔
ڈپٹی کمشنر نے مختلف مکاتب فکر علماء کو مشورہ دیا کہ ضابطہ اخلاق کی خلاف ورزی نہ کی جائے۔آپس میں امن اور امن کے قیام کو یقینی بنایا جائے اس موقع پر مختلف علماء نے چہلم کے دوران اپنے مکمل تعاون کی یقین دہانی کرائی۔
اس موقع پر سکیورٹی کے حوالے سے گفتگو کرتے ہوئے ایس ایس پی امجد شیخ اور رینجرز کرنل جميل احمد نے کہا کہ جلوس میں سخت سکیورٹی کو یقینی بنایا جائے گا ، پولیس اور رینجرز کے اہلکار تعینات کیے جائیں گے اور امن قائم رکھا جائے گا۔گشت کو شہروں اور دیہاتوں تک بڑھایا جائے گا جیسا کہ مشکوک لوگوں پر نظر رکھی جا سکے ۔
ڈپٹی کمشنر نے متعلقہ حکام کو ہدایت کی کہ وہ چہلم کے جلوس کے مقررہ راستوں پر صفائی اور لائٹنگ کا انتظام کریں۔ حیسکو حکام کو ہدایت کی کہ وه چہلم کے دوران لوڈ شیڈنگ نہ کریں۔ اجلاس میں تمام مکاتب فکرکے علمائے کرام نے بڑی تعداد میں شرکت کی۔
