راولپنڈی: بانی پی ٹی آئی کی بہن علیمہ خان نے کہا ہے کہ کوئی پارٹی میں آئے نہ آئے فرق نہیں پڑتا، عمران خان اہم ہے، 10 دن کے لیے بانی پی ٹی آئی کو قید تنہائی میں بند کیا گیا اس سے زیادہ پارٹی اور ہمارے لیے اہم کیا ہوسکتا ہے۔
باغی ٹی وی: اڈیالہ جیل آمد کے موقع پر میڈیا سے گفتگو کرتے ہوئے علیمہ خان نے بتایا کہ ہمیں اڈیالہ جیل سے 2 کلو میٹر پہلے روک لیا گیا، اس سے قبل بھی ہمیں یہیں روکا گیاتھا یہاں اور کسی کو نہیں روکا جا رہا، بتایا جا رہا ہےکہ یہاں سرچ آپریشن ہو رہا ہےسب کو یہاں سے جانے کی اجازت ہے، وکلا اور ہمیں روکا گیا ہے جب تک بانی پی ٹی آئی سے ملاقات نہیں ہوگی ہم کہیں نہیں جائیں گے بغیر کسی وجہ کے مقدمات کی سماعت آگے تو نہیں کی گئی؟ آج ہمارا ملنا بہت ضروری ہے تا کہ تسلی ہوسکے کہ بانی پی ٹی آئی ٹھیک ہیں۔
چیمپئنز ٹرافی :بھارتی میڈیا بھی محسن نقوی کی تعریفیں کرنے پر مجبور
علیمہ خان نے کہا کہ یہ لوگ کرنا کیا چاہتے ہیں ہمیں سمجھ نہیں آرہی بانی پی ٹی آئی بہت صحت مند ہیں، ورزش کرتے اور کم کھانا کھا تے ہیں جیل کو بند کرنے کے لیے یہ بہانہ نہیں بنا سکتے کہ بانی پاکستان تحریک انصاف کی طبیعت خراب ہے پولیس والے بتار ہے ہیں کہ آپریشن چل رہا ہے یہ کس قسم کا آپریشن چل رہا ہے؟ یہ کیسا آپریشن ہے کہ سب کو جانے کی اجازت ہے اور ہمیں روکا گیا ہم آگے نہیں جا سکتے نہ یہ دعویٰ کر سکتے ہیں کہ بانی پی ٹی آئی کی طبیعت خراب ہے نہ ہمیں یہ ملاقات سے روک سکتے ہیں۔
بیٹرز جو چیمپیئنز ٹرافی میں رنز کا انبار لگا سکتے ہیں، آئی سی سی نے فہرست جاری کر دی
