کوشش ہوگی کہ اچھی کرکٹ کھیلیں،ٹارگٹ کیا ہے؟ حیدر علی نے بتا دیا
باغی ٹی وی کی رپورٹ کے مطابق قومی کرکٹرحیدرعلی نے ٹی ٹوئنٹی اسپشلسٹ کی چھاپ اتارنے اورنیوزی لینڈ کے خلاف سیریزمیں نیچرل گیم کھیلنے کے ساتھ وکٹ پرزیادہ دیررکنے کوہدف قراردے دیا۔
ویڈیو لنک پریس کانفرنس میں حیدرعلی کا کہنا تھا کہ پہلے کوشش ہوتی تھی کہ ہر گیند کو باؤنڈری کے پار پہنچاؤں، اس سے ایک اوورمیں زیادہ رنزتومل جاتے ہیں لیکن اکثر آوٹ بھی یوا ہوں۔ سینئرزنے اس خامی کو دور کرکے لمبی باری لینے اور ایک دو باونڈریز کے بعد سنگل رنز پر توجہ دینے کی ہدایت کی ہے۔
حیدر علی کا کہنا تھا کہ نیوزی لینڈ کے خلاف سیریز میں ان کی ہدایت کے مطابق وکٹ پر زیادہ دیر رکنے کی کوشش کروں گا۔انہوں نے کہ لوکی فرگوسن کے ہونے یا نہ ہونے کا نہیں سوچ رہے ہر باولر ہی ہمارے لیے خاص باؤلرہے۔ میرٹ ہرسب کا سامنا کرنے کو تیارہے۔ جتنے بھی دن ملے ہیں۔ ان میں بیٹنگ ہر زیادہ دھیان دے رہے ہیں
حیدر علی کا مزید کہنا تھا کہ اپنی سرزمین پر ہر ٹیم ہی مشکل حریف ہوتی ہے۔ کوشش ہوگی کہ اچھی کرکٹ کھیلیں۔ وہ تینوں فارمیٹ میں ملک کی نمائندگی کرنا چاہتے ہیں۔
حیدرعلی کا کہنا تھا کہ میرا پہلا ٹور ہے، ہم قرنطینہ میں تھے ، کافی مشکلات تھیں،کہیں جا نہیں سکتے تھے، گراونڈمیں نہیں جا سکتے تھے، روم کے اندر ہی ٹریننگ کی اس کے بعد ہماری پریکٹس سٹارٹ ہو گئی ہے،وقت کم ہے لیکن ہماری کوشش ہے کہ اچھی سے اچھی پریکٹس کر لیں
