کوٹ چھٹہ،باغی ٹی وی(تحصیل رپورٹرمریدحسین ٹالپور) سعودی عرب میں غلام سرور دلشاد کے بھتیجے کے ایصالِ ثواب کے لیے قرآن خوانی
تفصیل کے مطابق سیاسی شخصیت غلام سرور دلشاد کے بھتیجے محمد نواز ڈمر کے بیٹے محمد احمد کی وفات پر ان کے ایصالِ ثواب کے لیے سعودی عرب میں بروز منگل شہداء بدر میں قرآن خوانی کا انعقاد کیا گیا۔
قرآن خوانی میں سعودی عرب میں مقیم پاکستانیوں، دوستوں، پاکستان پیپلز پارٹی کے کارکنان، اور مختلف طبقہ فکر سے تعلق رکھنے والے افراد نے کثیر تعداد میں شرکت کی۔ اس موقع پر عالم اسلام، پاکستان کی سلامتی اور مرحوم محمد احمد کی مغفرت کے لیے خصوصی دعا کی گئی۔
تقریب کا اہتمام امیدوار ایم پی اے حلقہ پی پی 291 غلام سرور دلشاد اور اجمل شاہین نے کیا۔ دعائیہ تقریب میں معززینِ علاقہ اور مزدور طبقہ کے افراد بھی شریک ہوئے۔
اللہ تعالیٰ مرحوم کے درجات بلند کرے اور ان کے والدین کو صبرِ جمیل عطا فرمائے۔ آمین۔
