سیالکوٹ، باغی ٹی وی ( شاہد ریاض سے) تھانہ کوٹلی لوہاراں پولیس کی منشیات فروشوں کے خلاف کارروائی،پولیس نے شہزاد عرف گلو کے قبضہ سے 1520 گرام چرس برآمد کر کے گرفتار کر لیا،جرائم پیشہ عناصر کے خلاف کسی بھی طرح کی رعایت نہیں برتی جائے گی، ایس ایچ او
تفصیلات کے مطابق ڈی پی او سیالکوٹ حسن اقبال کی خصوصی ہدایت پر تھانہ کوٹلی لوہاراں پولیس جرائم پیشہ افراد کے خلاف متحرک تھانہ کوٹلی لوہاراں پولیس چوک کھجوری وال گشت پر مامور تھی کہ سیالکوٹ کی جانب سے ایک رکشہ میں سوار منشیات فروش شہزاد عرف گلو کھجوری وال چوک میں اترا جس نے ہاتھ میں سیاہ رنگ کا شاپر پکڑا ہوا تھا جسے پولیس نے مشکوک جان کر قابو کیا اور ہاتھ میں پکڑے شاپر کی جامعہ تلاشی لی جس میں ڈھیلا نما چرس برآمد ہوئی
جس کا وزن کرنے پر 1520 گرام پائی گئی ،ملزم کو فوری حراست میں لے لیا گیا ملزم منشیات نوش اور فروش کے لیے لے جا رہا تھا جس پر ارتکاب جرم کرتے ہوئے منشیات فروش کے خلاف پولیس نے مقدمہ درج کر کے پابند سلاسل کر دیا
اس موقع پر ایس ایچ او کوٹلی لوہاراں کا کہنا تھا کہ منشیات ایک ایسی لعنت ہے جو نسلوں کو تباہ برباد کر دیتی ہے اور ایسے عناصر معاشرے کے ناسور ہیں جن کے خلاف سیالکوٹ پولیس ہمیشہ کارروائیاں جاری رکھے گی
