خیبرپختونخوا میں بجٹ کا معاملہ سنگین ہو گیا ہے، جس پر اپوزیشن نے گورنر ہاؤس میں ہنگامی اجلاس بلا کر وزیراعلیٰ کے طرز عمل پر شدید تحفظات کا اظہار کیا۔
اپوزیشن لیڈر ڈاکٹر عباداللہ کی قیادت میں وفد نے گورنر فیصل کریم کنڈی سے ملاقات کی، جس میں صوبے کی سیاسی صورتحال اور بجٹ نہ پیش کیے جانے پر تفصیلی گفتگو ہوئی۔ڈاکٹر عباداللہ کا کہنا تھا کہ حکومت صوبے کے ساتھ کھلواڑ کر رہی ہے اور بجٹ پیش نہ کرنا ناقابل قبول ہے۔ ان کا کہنا تھا کہ "ایک قیدی کی اجازت کے بغیر بجٹ پاس نہیں ہو سکتا”، ساتھ ہی انہوں نے سوال اٹھایا کہ وزیراعلیٰ نے جب بانی تحریک انصاف سے ملاقات کی تو بجٹ سے متعلق کوئی بات کیوں نہ کی۔
انہوں نے مزید کہا کہ اگر حکومت بجٹ پیش نہیں کرتی تو اپوزیشن کے پاس بھی اپنے لائحہ عمل کے لیے مختلف آپشنز موجود ہیں۔گورنر فیصل کریم کنڈی نے اپوزیشن کے خدشات کو درست قرار دیتے ہوئے کہا کہ "ایسا تاثر ابھر رہا ہے کہ صوبے کے فیصلے اڈیالہ جیل سے ہو رہے ہیں”۔ انہوں نے بتایا کہ اپوزیشن کا اگلا اجلاس دوبارہ گورنر ہاؤس میں ہوگا تاکہ آئندہ کے اقدامات پر مشاورت کی جا سکے۔
اپوزیشن وفد نے اس بات پر زور دیا کہ وہ کسی بھی غیر آئینی قدم کا حصہ نہیں بنے گا اور مسائل کا حل آئینی طریقے سے نکالا جائے گا۔
شہباز شریف اور امریکی وزیر خارجہ کا رابطہ، علاقائی امن اور باہمی تعاون پر گفتگو