نوشہرہ: پاکستان تحریک انصاف پارلیمنٹیرین کے چیئرمین پرویز خٹک نے کہا ہے کہ خیبر پختونخوا کا اگلا وزیراعلیٰ میں ہی بنوں گا۔
باغی ٹی وی: نوشہرہ میں انتخابی جلسے سے خطاب کرتے ہوئے پی ٹی آئی کے سابق رہنما اور پی ٹی آئی پارلیمینٹیرین کے چیئر مین نے کہا کہ پاکستان کے 24 کروڑ عوام اب عمران، نواز، زرداری اورمولانا کے دلفریب نعروں سے باخبر ہوچکے ہیں ان کے سبز باغات دکھا نے کی حقیقت قوم جان گئی ہے ، یہ مداری کی طرح ڈگڈی کا کھیل تماشہ دکھا کر اپنا الو سیدھا کرنے میدان میں آتے ہیں اور جب یہ قوم کے ووٹوں سے اقتدار حاصل کرلیتے ہیں تو ان کے تیور ہی بدل جاتے ہیں۔
پرویز خٹک نے کہا کہ عمران خان کی حکومت اگر قائم تھی تو وہ میری وجہ سے تھی، جب میں نے راہیں جدا کیں تو نہ عمران رہا، نہ ان کی حکومت، ان کی سوچ یورپ اور امریکہ کی سوچ تھی، وہ صوبے کے غریب عوام کےمسائل سے بے خبر تھےانتخابات میں تو عمران خان اور پی ٹی آئی کا صفایا کر کےہی دم لوں گاخیبر پختونخوا میں 70 سےزائد امیدوار کھڑے کیے ہیں،پرویز خٹک نے دعویٰ کیا کہ انہیں 25 سے 30 آزاد امیدواروں کی حمایت بھی حاصل ہے۔
معروف اداکار استحکام پاکستان پارٹی میں شامل
پرویز خٹک کا کہنا تھا کہ قوم نے اس بار فیصلہ کر لیا ہے کہ صوبے میں صرف پگڑی کے نشان پر مہر لگائیں گے۔ انہوں نے کہا کہ عوام کے ووٹوں سے خیبر پختونخوا کو ترقی کے سفر پر گامزن کریں گے اسلام کے نام پر ووٹ مانگنے والے ہمیشہ اسمبلیوں میں پہنچ کر غریب عوام کو بھول گئے، انہوں نے منتخب ہو کر صرف اور صرف لوٹ مار کی ، مولانا فضل الرحمان کے پاس اتنی دولت کہاں سے آئی؟ یہ اسی لوٹ مار کی ہے۔
