خیبرپختونخوا کے وزیر صحت قاسم علی شاہ کا بشریٰ بی بی کی صحت پر تشویش کا اظہار

خیبرپختونخوا کے وزیر صحت قاسم علی شاہ نے بشریٰ بی بی کی صحت پر تشویش کا اظہار کیا ہے اور چیف سیکرٹری پنجاب کو خط لکھ کر خیبر پختونخوا حکومت کے پینل کے ڈاکٹروں سے ان کی صحت کا معائنہ کرانے کی درخواست کی ہے۔بشریٰ بی بی کی صحت کے حوالے سے میڈیا میں قیاس آرائیوں کے درمیان، کے پی کے وزیر صحت نے نوٹس لیا اور چیف سیکرٹری پنجاب کو لکھے گئے خط میں ان کی خیریت سے متعلق تحفظات سے آگاہ کیا۔ اپنے خط میں وزیر صحت نے کہا کہ بشریٰ بی بی کو زہریلے کھانے سے متعلق رپورٹس پر تشویش ہے اس لیے کے پی حکومت اپنے پینل کے ڈاکٹروں سے ان کا معائنہ کرانے کا ارادہ رکھتی ہے۔اس معاملے میں مزید پیش رفت متوقع ہے کیونکہ چیف سیکرٹری پنجاب نے خط کا جواب دیا ہے اور بشریٰ بی بی کے صحت کے معائنے کے انتظامات کیے گئے ہیں انہوں نے خط میں لکھا کہ بانی پی ٹی آئی کی اہلیہ کے معائنے سے ہی اس بات کی تصدیق یا تردید ہو سکے گی کہ بشریٰ بی بی کو زہریلی خوراک دی گئی ہے یا نہیں۔قاسم علی شاہ نے کہا کہ طبی معائنہ اور صحت کی سروسز تک رسائی ہر انسان کا بنیادی حق ہے اور امید ہے کہ پنجاب حکومت بشریٰ بی بی سے متعلق اس خط کا مثبت جواب دے گی۔