خیبر پختونخوا میں جیلوں میں بھی خواتین محفوظ نہ رہیں، جیل میں خاتون کے ساتھ زیادتی کی گئی ہے
واقعہ بٹگرام کی سب جیل میں پیش آیا، جیل میں قید 20 سالہ لڑکی کے ساتھ زیادتی کی گئی ہے، لڑکی نے جیل سپرنٹنڈنٹ پر زیادتی کا الزام عائد کیا تو میڈیکل کروایا گیا، میڈیکل رپورٹ میں لڑکی کے ساتھ زیادتی کی تصدیق ہو گئی ہے ،لڑکی کے مطابق جیل سپرنٹنڈنٹ نے اسے اپنے دفتر بلایا اور عزت لوٹ لی،واقعہ کے بعد جیل سپرنٹنڈنٹ کے خلاف مقدمہ درج کر لیا گیا ہے.ڈی پی او کا کہنا ہے کہ جیل سپرنٹنڈنٹ نے مقامی عدالت سےضمانت قبل ازگرفتاری کروالی ہے تاہم جیل سپرنٹنڈنٹ کےخلاف محکمانہ انکوائری کی جارہی ہے۔
جیل میں لڑکی کے ساتھ زیادتی کے واقعہ پر عوامی حلقوں کا کہنا ہے کہ اگر جیلوں میں قید خواتین بھی محفوظ نہیں تو اسکا ذمہ دار کون ہے، ایسے اہلکاروں کو کڑی سزا ملنی چاہئے جو گھناؤنا کام کرتے ہیں یہ کسی معافی کے لائق نہیں، معاشرے سے ایسی درندگی کے خاتمے کے لئے کڑی سزائیں ضروری ہیں.
